प्रभात वृत्तसेवा
पुणे – आयुष कोमकर खून प्रकरणी माजी नगरसेवक वनराज आंदेकरची पत्नी सोनालीला चौकशीसाठी ताब्यात घेताना पोलिसांशी हुज्जत घालून शासकीय कामात अडथळा आणल्याप्रकरणी १३ जणांविरुद्ध समर्थ पोलीस ठाण्यात गुन्हा दाखल झाला. सोनालीली पोलिसांनी अटक केली असून, तिला न्यायालयीन कोठडी मिळाली आहे.याप्रकरणी सोनाली वनराज आंदेकर ( ३६, रा. डोके तालमीजवळ, नाना पेठ) हिच्यासह प्रियंका कृष्णराज आंदेकर, माया देवळे, येल्लबाबाई कित्तुरकर, लक्ष्मीबाई बेडगिरी, संगीता शिंदे, शारदा साळुंखे, बेबी दोडके, सरुबाई निसारे, कल्पना शिंदे, पूजा शिंदे, स्वाती दोडके, माेहन यांच्याविरुद्ध गुन्हा दाखल झाला आहे.

पोलीस कर्मचारी प्रियंका गोरे यांनी फिर्याद दिली आहे.सोनाली आणि प्रियंका आंदेकर आयुष कोमकरची मामी आहे कोमकरचा विसर्जन मिरवणुकीच्या पूर्वसंध्येला कौटुंबिक वाद, टोळीयुद्धातून खून केला. या प्रकरणी बंडू आंदेकरसह १५ जणांना अटक झाली आहे.कोमकर खुनापूर्वी आरोपींची वानवडीत एकत्रित बैठक झाली. आरोपी एकमेकांना मोबाइल घरी ठेवून भेटत.

याप्रकरणी सोनाली, प्रियंकाची चौकशी झाली. सोनाली खुनाचा कट रचण्यात सामील असल्याची माहिती मिळाल्यानंतर पोलिसांनी तिला गुरुवारी ताब्यात घेतले. सोनाली, प्रियंका यांना ताब्यात घेण्यापूर्वी आरोपींनी पोलिसांना रोखले. याप्रकरणी पोलीस उपनिरीक्षक जाधव तपास करत आहेत.