प्रभात वृत्तसेवा
शिक्रापूर – श्रीक्षेत्र वढू बुद्रुक (ता. शिरूर) येथे उपसरपंच महिलेने एका वृद्ध महिलेला शिवीगाळ करत घरात घुसून मारहाण केल्याची घटना घडली आहे. रस्त्यावर दुचाकीसाठी डबर टाकण्याच्या वादातून हा प्रकार घडला असून, शिक्रापूर पोलिसात उपसरपंचावर गुन्हा दाखल करण्यात आला आहे.वढू बुद्रुक येथील प्रज्ञा रणदिवे (वय ६०) या त्यांच्या घरासमोर असलेल्या रस्त्यावर दुचाकी जाण्यासाठी डबर टाकून उंचवटा करत होत्या.

त्याचवेळी उपसरपंच संगीता शांताराम सावंत तेथे आल्या आणि त्यांनी प्रज्ञा यांना येथे डबर टाकू नका, असे म्हणून शिवीगाळ व दमदाटी केली. प्रज्ञा रणदिवे घरात गेल्यानंतर उपसरपंच संगीता सावंत यांनी त्यांच्या घरात अनाधिकाराने प्रवेश करत पुन्हा शिवीगाळ व दमदाटी करत मारहाण केली.घडलेल्या प्रकाराबाबत प्रज्ञा प्रदीप रणदिवे यांनी शिक्रापूर पोलिसात फिर्याद दिल्याने पोलिसांनी उपसरपंच संगीता शांताराम सावंत यांच्याविरुद्ध गुन्हा दाखल केला आहे. पुढील तपास पोलीस हवालदार विकास सरोदे हे करत आहेत.