कोंढवा – हडपसर विधानसभा मतदारसंघातील सात राजकीय पक्ष व संघटना मिळून एकत्र आलेली आरक्षणवादी आघाडी व धनगर संघटनेचा वतीने अपक्ष उमेदवार गंगाधर बधे यांना जाहीर पाठिंबा देण्यात आला आहे. याबाबत आरक्षणवादी आघाडी या पक्षीय व सामाजिक संघटनेच्या प्लॅटफॉर्मचे अध्यक्ष प्रकाश अण्णा शेंडगे यांनी बधे यांना पत्र देऊन पाठिंबा असल्याचे जाहीर केले आहे. बधे यांना वाढता प्रतिसाद पाहून, ओबीसी बहुजन आघाडी बहुजन रिपब्लिकन सोशालिस्ट पार्टी, जनहित लोकशाही पार्टी, लोकराज्य पार्टी, ओबीसी एनटी पार्टी, मुस्लिम सेवा संघ या सर्व पक्ष व संघटनांनी बधे यांना बिनशर्त पाठिंबा जाहीर केला आहे. तर, धनगर समाजाचे महाराष्ट्राचे युवा नेते घनश्याम बापू हाके यांनीही बधे यांना जाहीर पाठिंबा दिला आहे. हडपसर मतदार संघातील पारंपरिक आश्वासनांना कंटाळून शेंडगे आणि हाके यांनी बधे यांनी हा पाठिंबा दिला आहे. याबाबत शेंडगे म्हणाले, हडपसर विधानसभा मतदारसंघातील तीनही राजकीय पक्षाचे नेत्यांनी विकास केला नाही, केवळ आश्वासन देऊन मतदारांची दिशाभूल केली आहे. त्यामुळे गंगाधर बधे यांना विजयी करावे. असे आवाहन त्यांनी केले आहे.
