Arvind Kejriwal – आम आदमी पक्षाचे (आप) प्रमुख अरविंद केजरीवाल यांनी मंगळवारी पंतप्रधान नरेंद्र मोदी यांची भेट घेण्याची विनंती केली आहे.

देशभरातील इंधन केंद्रांवर सध्या पुरवल्या जाणाऱ्या ई-20 (२० टक्के इथेनॉल-मिश्रित) पेट्रोलबाबत नागरिकांमध्ये असलेल्या चिंतांवर चर्चा करणे आणि ग्राहकांना ‘शुद्ध पेट्रोल’चा पर्याय उपलब्ध करून देणे, हा या भेटीमागचा मुख्य उद्देश आहे.

पंतप्रधानांना लिहिलेल्या पत्रात अरविंद केजरीवाल यांनी म्हटले आहे की, या प्रस्तावित भेटीदरम्यान त्यांना या विषयाशी संबंधित तांत्रिक बाबी आणि सर्वसामान्यांकडून मिळालेला अभिप्राय पंतप्रधानांकडे सादर करायचा आहे.  (Arvind Kejriwal)

ग्राहकांना इंधन केंद्रांवर शुद्ध पेट्रोल किंवा ई-20 पेट्रोल यांपैकी कोणताही एक प्रकार खरेदी करण्याचे स्वातंत्र्य असायला हवे, अशी मागणी त्यांनी केली. जर एखाद्याला शुद्ध पेट्रोल हवे असेल तर त्यांना तो पर्याय मिळाला पाहिजे, असे त्यांनी नमूद केले.

केजरीवाल यांनी पत्रात ई-20 पेट्रोलचे दर कमी करण्याची आग्रही मागणी केली आहे. सामान्य पेट्रोलच्या तुलनेत या इथेनॉल-मिश्रित इंधनामुळे वाहनांचे मायलेज (इंधन कार्यक्षमता) लक्षणीयरीत्या कमी होते.  (Arvind Kejriwal)

ज्यामुळे वाहनधारकांचे आर्थिक नुकसान होत असल्याचे त्यांनी सांगितले. नागरिकांना ई-20 पेट्रोलबाबतचे त्यांचे अनुभव आणि समस्या मांडता याव्यात यासाठी ‘आप’ने एक ऑनलाइन याचिका सुरू केली आहे.  (Arvind Kejriwal)

भेटींसह साधणार ग्राहकांशी संवाद  (Arvind Kejriwal)

केजरीवाल यांनी लोकांना या याचिकेवर मोठ्या संख्येने स्वाक्षरी करण्याचे आवाहन केले असून, यातून मिळणारा प्रतिसाद ते पंतप्रधांसमोर मांडणार आहेत.

याशिवाय, पक्षाचे कार्यकर्ते पेट्रोल पंप आणि सर्व्हिस स्टेशन्सना भेटी देऊन ग्राहकांशी थेट संवाद साधतील आणि त्यांचे व्हिडिओ सोशल मीडियावर शेअर करतील, अशी माहितीही त्यांनी दिली. पंतप्रधान मोदी या विषयाचे गांभीर्य लक्षात घेऊन लवकरच भेटीची वेळ देतील, अशी आशा केजरीवाल यांनी व्यक्त केली आहे.