Priyansh Arya Smashes 199 as Delhi Dominate Gujarat on Day 1 of Ranji Trophy : देशभरात सध्या रणजी करंडक २०२६-२७ चे सामने अत्यंत चुरशीने खेळले जात आहेत. या स्पर्धेत दिल्ली आणि गुजरात दरम्यान दिल्लीतील पालम बी स्टेडियमवर सुरू असलेल्या सामन्याचा पहिला दिवस पूर्णपणे दिल्लीच्या फलंदाजांनी गाजवला. दिल्लीचा युवा सलामीवीर प्रियांश आर्यने आपल्या आक्रमक फलंदाजीने सर्वांचे लक्ष वेधून घेतले; मात्र दुर्दैवाने त्याचे पहिले प्रथम श्रेणी दुहेरी शतक अवघ्या एका धावेने हुकले. याशिवाय कर्णधार आयुष बडोनीने पण शतकी खेळी साकारल्यामुळे पहिल्या दिवसाखेर दिल्लीने मजबूत पकड मिळवली आहे.

नाणेफेक जिंकून प्रथम फलंदाजी; दिल्लीची ४ बाद ३८१ धावांपर्यंत मजल –

पालम मैदानावरील या लढतीत दिल्लीचा कर्णधार आयुष बडोनीने नाणेफेक जिंकून प्रथम फलंदाजी करण्याचा निर्णय घेतला, जो फलंदाजांनी पूर्णपणे सार्थ ठरवला. पहिल्या दिवसाचा खेळ संपेपर्यंत दिल्लीने ८४ षटकांत ४ बाद ३८१ धावांचा डोंगर उभारला. सुरुवातीला सनत सांगवान ८, यश धुल १० आणि आयुष दोसेजा २९ धावांवर बाद झाल्यानंतर डावाची सूत्रे प्रियांश आणि बडोनी यांनी आपल्या हाती घेतली. प्रियांशने या खेळीदरम्यान आपल्या प्रथम श्रेणी कारकिर्दीतील पहिलेवहिले शतकही पूर्ण केले.

प्रियांशचे वादळ; २२० चेंडूंत १९९ धावांची ऐतिहासिक खेळी –

SO NEAR, YET SO FAR !

Priyansh Arya falls agonisingly short of a double century.

Priyansh arya misses a deserving double Century by just one run.
Arya was dismissed for a magnificent 199 off just 220 balls against gujrat , smashing 24 fours and 6 sixes at a strike rate of 90 in ranji trophy.

Priti Zinta’s Punjab Kings favorite boy Opener such a really phenomenal telant. Hope he have a great career ahead.

Meanwhile, Rinku Singh is on fire.
Back to back centuries for Rinku Singh, with a sensational 118 runs to his name !

— Purohit Says (@yashpurohitt) October 18, 2026

सलामीला आलेल्या प्रियांश आर्यने गुजरातच्या गोलंदाजांचा समाचार घेत चौफेर फटकेबाजी केली. टी-२० शैलीत फलंदाजी करताना त्याने अवघ्या २२० चेंडूंत २४ चौकार आणि ६ षटकारांच्या मदतीने १९९ धावांची वादळी खेळी साकारली. ९० पेक्षा जास्त स्ट्राईक रेटने धावा कुटणारा प्रियांश आपल्या ऐतिहासिक दुहेरी शतकापासून अवघी एक धाव दूर असताना मानस हिंगराजियाच्या चेंडूवर त्रिफळाचीत झाला आणि त्याचे स्वप्न एका धावेने भंगले.

हेही वाचा – Test Cricket Record : कसोटी क्रिकेटमध्ये १०० वर्षांनंतर पहिल्यांदाचं असं घडलं! द.आफ्रिका-ऑस्ट्रेलिया सामन्यात नोंदवला गेला ऐतिहासिक विक्रम

कर्णधार आयुष बडोनीचे नाबाद ११५; पहिल्या दिवसावर दिल्लीचे वर्चस्व –

प्रियांश बाद झाल्यानंतर कर्णधार आयुष बदोनीने संघाची धुरा सांभाळली. त्याने कर्णधाराला साजेशी खेळी करत १४९ चेंडूंत ११ चौकार आणि २ षटकारांच्या जोरावर नाबाद ११५ धावांची शानदार खेळी केली. दिवसाचा खेळ थांबला तेव्हा बडोनीसह सुमीत माथूर नाबाद क्रीजवर होते. या दोन मोठ्या शतकांमुळे दिल्लीने पहिल्याच दिवशी सामन्यावर पूर्ण नियंत्रण मिळवले असून गुजरातच्या गोलंदाजांना दिवसभर घाम गाळावा लागला.