Shreyas Iyer Reacts After Rain Washes Out Fifth T20 Decider Against West Indies : भारत आणि वेस्ट इंडिज दरम्यान बंगळुरूच्या एम. चिन्नास्वामी स्टेडियमवर खेळवला जाणारा पाचवा आणि निर्णायक टी-२० सामना अखेर पावसामुळे रद्द करण्यात आला. जोरदार पाऊस आणि मैदानातील ओलाव्यामुळे सुरुवातीला हा सामना प्रत्येकी ९ षटकांचा करण्यात आला होता. मात्र भारतीय डावातील ७.४ षटकांचा खेळ झाल्यानंतर पुन्हा पाऊस सुरू झाल्याने सामना अनिर्णित राहिला. परिणामी पाच सामन्यांची ही रोमांचक टी-२० मालिका २-२ अशी बरोबरीत संपली.

गोलंदाजी सुधारली असती तर निकाल वेगळा असता; श्रेयसचे स्पष्ट मत

सामन्यानंतर बोलताना भारतीय कर्णधार श्रेयस अय्यरने संघातील त्रुटींवर बोट ठेवले. तो म्हणाला की, “दुसऱ्या आणि चौथ्या टी-२० सामन्यात आम्ही अधिक चांगली गोलंदाजी केली असती, तर मालिकेचा निकाल पूर्णपणे वेगळा लागला असता. मात्र ज्यांचे कौतुक करायला हवे, त्यांचे कौतुक झालेच पाहिजे. कॅरेबियन फलंदाजांनी संपूर्ण मालिकेत अप्रतिम फलंदाजी केली. विशेषतः शाई होपने ज्या पद्धतीने फलंदाजी करत संघाला पुनरागमन करून दिले, ते खरोखर कौतुकास्पद होते. तरीही आमची आक्रमक मानसिकता कायम राहील आणि आम्ही याच शैलीत पुढे खेळत राहू.”

वैभव सूर्यवंशीला सल्ला; योग्य वेळेची वाट पाहा –

Captain Shreyas Iyer about Vaibhav Sooryavanshi https://t.co/xjrkRAbjUr

— RVCJ Media (@RVCJ_FB) October 18, 2026

मालिकेत बाकावर बसावे लागलेल्या युवा फलंदाज वैभव सूर्यवंशीबद्दल विचारले असता श्रेयस म्हणाला की, “मी त्याला नेहमी सांगत असतो की, तुला संघात नक्की संधी मिळेल. तू फक्त तुझ्या प्रक्रियेत सातत्य ठेव आणि संधी मिळत नसल्याचा जास्त विचार करू नकोस. कधीकधी योग्य वेळेसाठी वाट पाहावी लागते. सध्या संघात दोन दर्जेदार सलामीवीर आहेत, ज्यांनी संपूर्ण मालिकेत सातत्यपूर्ण खेळ केला आहे.”

हेही वाचा – Mohammed Shami Ranji : न्यूझीलंड दौऱ्यातून डावलल्यानंतर मोहम्मद शमीने घेतला सर्वात मोठा निर्णय! नेमकं काय केलं? पाहा

सततच्या प्रवासाची सवय; खेळाडूंवर दबाव नाही –

🚨MASSIVE STATEMENT BY SHREYAS IYER ON T20I SERIES VS WI & RESULTS 🚨

Shreyas Iyer said 🗣️

“It could have definitely been different considering if we had bowled well in the second and the fourth game. Obviously, batting has been sensational throughout. It’s about that execution, which we were falling short on, especially our bowlers taking the ball and also, you know, credit where it’s due, they batted phenomenally well. And also, Shai Hope, brilliant performance by him, the way he was cruising through in the series. It was difficult at times, but kudos to him.”

— Cricket Central (@CricketCentrl) October 17, 2026

खेळाडूंच्या सततच्या दौऱ्यांवर आणि व्यस्त वेळापत्रकावर बोलताना श्रेयसने हे संघासाठी काही नवीन नसल्याचे सांगितले. तो म्हणाला की, “खेळाडूंसाठी हा एक सामान्य दिवस आहे. भारतात एका शहरातून दुसऱ्या शहरात सतत प्रवास करणे आम्हाला सवयीचे झाले आहे आणि संपूर्ण संघ या गोष्टी अत्यंत व्यावसायिक पद्धतीने हाताळत आहे.”