नवी दिल्ली : पंतप्रधान नरेंद्र मोदी सध्या राजस्थानच्या दौऱ्यावर असून त्यांच्या एका साधायची सोशल मीडियावर मोठ्या प्रमाणात चर्चा सुरु आहे. पंतप्रधान मोदी रात्री अबू रोड परिसरात सभेला संबोधित करण्यासाठी ते पोहोचले खरे मात्र या ठिकाणी पोहोचण्यास नरेंद्र मोदींना उशीर झाला. यामुळे नरेंद्र मोदींनी मायक्रोफोन वापरत सभेला संबोधित करण्यास नकार दिला.

सभेला संबोधित करताना मोदींनी आपल्याला लाऊडस्पीकर संबंधीच्या नियमाचे पालन करायचे आहे असे सांगत मोदींनी सभेला संबोधित करण्यास नकार देत उपस्थितांची माफी मागितली. नरेंद्र मोदींनी माईकचा वापर न करताच तेथील उपस्थितांशी संवाद साधल्याचा व्हिडीओ सध्या सोशल मीडियावर व्हायरल झाला आहे. या व्हिडीओत नरेंद्र मोदी आपण संबोधित करु शकत नसल्याने माफी मागत आहेत. तसेच आपण पुन्हा एकदा सिरोहीला येऊ असे आश्वासनही त्यांनी दिले.

PM Modi decided against addressing the public meeting at Abu Road because it was well past stipulated time.

This was 7th program of the day. Earlier he flagged and took a ride on Vande Bharat and Ahemdabad Metro, prayed at Ambaji among others.

He is 72 and fasting for Navratri! pic.twitter.com/UWiotbehQm

— Amit Malviya (@amitmalviya) September 30, 2022

“मला येथे पोहोचण्यास उशीर झाला. मी नियमांचं पालन केलं पाहिजे अशी माझी विवेकबुद्धी मला सांगत आहे. त्यामुळे मी तुम्हा सर्वांची माफी मागत आहे,” असे मोदींनी माईक आणि लाऊडस्पीकरचा वापर न करता उपस्थितांना सांगितले. पुढे ते म्हणाले “पण मी तुम्हाला आश्वासन देतो की, मी पुन्हा येईल. तुम्ही दिलेलं प्रेम आणि आपुलकीची नक्की परतफेड करेन”. यानंतर नरेंद्र मोदींनी मंचावर वाकून नमस्कार केला आणि ‘भारत माता की जय’ अशी घोषणा दिली.

Such a realistic and humble gesture!

Hon’ble PM Shri @narendramodi Ji greeted a huge public gathering in Abu Road, Rajasthan. Abiding by the rule of no use of loudspeakers after 10 pm, he didn’t use a mic.

PM Modi Ji always leads by example.@DrSatishPoonia#पधारो_सा_मोदी_जी pic.twitter.com/Op22BpJEVM

— D K Aruna (@aruna_dk) September 30, 2022

अनेक भाजपा नेत्यांनीही नरेंद्र मोदींचा सभेतील व्हिडीओ शेअऱ केला असून नियमांचं पालन केल्याबद्दल त्यांचं कौतुक केलं आहे. काँग्रेसची सत्ता असणाऱ्या राजस्थानमध्ये पुढील वर्षी विधानसभा निवडणुका होणार आहेत. गुजरातमधील अंबाजी मंदिरात दर्शन घेतल्यानंतर नरेंद्र मोदी राजस्थानमध्ये पोहोचले होते.