Devendra Fadnavis : भारत देशाचे पंतप्रधान नरेंद्र मोदी हे उद्या १७ सप्टेंबर या दिवशी वयाच्या पंच्चाहत्तरीत पदार्पण करणार आहेत. त्यांचा ७५ वाढदिवस असून, या दिवसाचे औचित्य साधत देशभरात विविध कार्यक्रमांचे आयोजन करण्यात आलेले आहे. महाराष्ट्राचे मुख्यमंत्री देवेंद्र फडणवीस यांनी सोशल मीडियावर #MyModiStory अंतर्गत पंतप्रधान मोदींच्या पहिल्या भेटीची आठवण सांगितलं आहे. मुख्यमंत्र्यांनी त्यांच्या एक्स अकाऊंवरून व्हिडीओच्या माध्यमातून ही खास आठवण सांगितली आहे. जेव्हा मुख्यमंत्री देवेंद्र फडणवीस हे नागपूरचे महापौर होते. तसेच ते भाजपचे युवा मोर्चाचे अध्यक्षही होते. त्यावेळी राष्ट्रीय स्वयंसेवक संघाच्या रेशीमबाग येथे अभ्यास वर्गाचे आयोजन करण्यात आलं होतं. या अभ्यास वर्गात नरेंद्र मोदी पहिल्यांदा नागपुरात आले होते. या कार्यक्रमाचे आयोजन करण्याची जबाबदारी फडवणवीसांकडे होती. #MYMODISTORY When I first met @narendramodi ji in Nagpur, I did not know that the moment would leave such a lasting impression on me. I was a young Mayor then, eager to learn from the senior leaders of our party. It was during an Abhyaas Varg held in Reshimbagh. I was also… pic.twitter.com/95pzeXunYS — Devendra Fadnavis (@Dev_Fadnavis) September 16, 2025 रेशीमबागेत आल्यानंतर काय झालं होतं? नरेंद्र मोदी ही रेशीमबाग येथे आल्यानंतर त्यांनी सर्वप्रथम डॅा. हेगडेवार यांच्या स्मारकाला अभिवादन केलं. त्यानंतर फडवीसांनी त्यांना विश्रामगृहात थांबण्याबाबत विचारणा केली असता, ते संघ कार्यकर्त्यांसाठी असलेल्या रेशीमबागेतील छोट्या खोलीत राहणार आहेत, असं त्यांनी सांगितलं. हा त्यांचा साधेपणा फडणवीस यांना भावला आणि या घटनेचा खोल परिणाम त्यांच्यावर केला. तसेच कार्यक्रमादरम्यान, मोदींनी प्रत्येक तपशीलावर बारकाईने लक्ष दिले आणि सर्व सहभागींची काळजी घेतली. मोदीजींचा साधेपणा आणि संघ परंपरेशी असलेली त्यांची निष्ठा मला खूप प्रभावित करणारी होती, असं फडणीस म्हणाले. पंतप्रधान मोदींच्या कामाचे कौतुक पंतप्रधान मोदींच्या 75 व्या वाढदिवसानिमित्त भारतीय जनता पक्षाच्या नेत्यांनी सोशल मीडियावर #MyModiStory मोहिमेला सुरुवात केली आहे. या मोहिमेअंतर्गत अनेक नेते आपल्या अनुभवांचे व्हिडीओ शेअर करत आहेत. या मोहिमेद्वारे मोदींच्या नेतृत्वाचे आणि त्यांच्या कार्याचे कौतुक केले जात आहे. हेही वाचा : सोन्याच्या किंमतीत मोठी उलथापालथ ! प्रति १० ग्रॅमची किंमत किती?, चांदीची स्थिती सध्या काय? वाचा
