Prashant Koratkar । इतिहास अभ्यासक इंद्रजीत सावंत यांनी पोस्ट करुन त्यांना नागपूरच्या प्रशांत कोरटकर यांनी धमकी दिल्याचा आरोप केला. यावेळी त्यांनी एक ऑडियो कॉल देखील पोस्ट केली होती. यामध्ये कोरटकर यांनी छत्रपती शिवाजी महाराज आणि छत्रपती संभाजी महाराज यांच्याविषयी आक्षेपार्ह विधान केले होते. दरम्यान , त्यांच्या या विधानानंतर राज्यातील वातावरण सध्या चिघळले आहे. तसेच नागपूरमध्ये  प्रशांत कोरटकरच्या घराबाहेर शिवप्रेमींनी आंदोलन करण्यात सुरुवात केली आहे.

दरम्यान, प्रशांत कोरटकरच्या घराबाहेर आंदोलन करणाऱ्या आंदोलकांनी कोरटकरांचा  ‘आका’ कोण? असा संतप्त सवाल केला आहे.  नागपूमध्ये कोरटकरच्या घरासमोर शिवप्रेमींनी आंदोलन सुरु केले आहे. कायदा आणि सुव्यवस्थे अंतर्गत पोलिसांचा फौजफाटा घटनास्थळी दाखल झाला आहे. आंदोलकांनी पोलिसांच्या भूमिकेवरदेखील  प्रश्न उपस्थित केले आहेत.

“कोरटकरच्या मागच्या आका कोण?”  Prashant Koratkar । 

प्रशांत कोरटकरच्या घराबाहेर जमलेल्या आंदोलकांनी पोलिसांना प्रश्न उपस्थित करत म्हटलं की, मराठा समाज नव्हे तर अख्खा महाराष्ट्र आणि देश संतप्त आहे. कोरटकरच्या मागच्या आका कोण? असा प्रश्न उपस्थित करण्यात आला. पोलिससांनी कोरटकरला अटक करण्याची शाश्वती दिली पण एवढी यंत्रणा असताना एका चिल्लर माणसाला पकडू शकत नाहीत? प्रशांत कोरटकरचा सीडीआर चेक करा, काल सकाळी त्याने बाईट दिला आहे, माझा नंबर आणि आयडी दहा ते पंधरा वेळा हॅक झाला आहे. मग तो सतर्क का झालेला नव्हता.” असा संताप आंदोलकांनी व्यक्त केला.

“शिवीगाळ करुन महापुरुषांचा अवमान”  Prashant Koratkar । 

दरम्यान, प्रशांत कोरटकरने आपल्याला शिवीगाळ करुन महापुरुषांचा अवमान केला, अशी तक्रार इतिहास संशोधक इंद्रजीत सावंत यांनी केली आहे. दोघांचं कॉल रेकॉर्डिंग व्हायरल झालं असून त्यामध्ये समोरचा व्यक्ती महाराजांविषयी आक्षेपार्ह बोलत आहेत. शिवाय सावंतांनाही शिव्या देत आहे. त्यामुळे पोलिसांनी सावंतांचा जबाब नोंदवून घेतला.

दुसरीकडे नागपूरच्या प्रशांत कोरटकरने आपला मोबाईल हॅक झाल्याचं म्हटलं आहे. आपण इंद्रजीत सावंतांना ओळखत नसून तो आवाज माझा नाही. एआयच्या मदतीने आपला आवाज काढल्याचं कोरटकरचं म्हणणं आहे. इंद्रजीत सावंत यांच्याविरोधात अब्रूनुकसानीचा दावा दाखल करु शकतो, असं त्याने म्हटलं आहे.