Prajwal Revanna Sex Scandal: माजी पंतप्रधान एचडी देवेगौडा यांचा नातू आणि कथित सेक्स स्कँडलमध्ये अडकलेले कर्नाटकातील हसन लोकसभा मतदारसंघाचे खासदार प्रज्वल रेवण्णा यांनी अखेर या प्रकरणावर मौन सोडले आहे. लवकरच सत्य बाहेर येईल, असे रेवण्णा यांनी म्हटले आहे. गेल्या काही दिवसांपासून रेवण्णांशी संबंधित सोशल मीडियावर अनेक अश्लील व्हिडिओ व्हायरल झाले आहेत, त्यानंतर महिलांनी केलेल्या तक्रारीनंतर त्यांच्यावर लैंगिक शोषणाचा गुन्हाही दाखल केला आहे. मात्र, हसन खासदार यांनी हे आरोप फेटाळून लावले असून व्हिडिओमध्ये छेडछाड केल्याचा दावा केला आहे.

हसनचे खासदार प्रज्वल रेवन्ना यांनी त्यांच्या ‘एक्स’ अकाउंटवर लिहिले की, ते बेंगळुरूमध्ये नाहीत. मात्र, त्यांनी आपल्या वकिलांच्या माध्यमातून तपास पथकाशी संपर्क केला आहे. लवकरच सत्य बाहेर येईल, असे त्यांनी सांगितले. रेवण्णांनी एसआयटी नोटिसीला त्यांच्या वकिलाने दिलेले उत्तरही शेअर केले आहे. त्यांनी भारतात परतण्यासाठी आणि तपास पथकासमोर हजर राहण्यासाठी सात दिवसांची मुदत मागितली आहे.

ವಿಚಾರಣೆಗೆ ಹಾಜರಾಗಲು ನಾನು ಬೆಂಗಳೂರಿನಲ್ಲಿ ಇಲ್ಲದ ಕಾರಣ, ನಾನು ನನ್ನ ವಕೀಲರ ಮೂಲಕ C.I.D ಬೆಂಗಳೂರಿಗೆ ಮನವಿ ಮಾಡಿದ್ದೇನೆ.

ಸತ್ಯ ಆದಷ್ಟು ಬೇಗ ಹೊರಬರಲಿದೆ.

As I am not in Bangalore to attend the enquiry, I have communicated to C.I.D Bangalore through my Advocate. Truth will prevail soon. pic.twitter.com/lyU7YUoJem

— Prajwal Revanna (@iPrajwalRevanna) May 1, 2024

कथित व्हिडिओ इंटरनेटवर समोर आल्यानंतर प्रज्वल रेवण्णांनी भारत सोडला आहे. ते जर्मनीच्या फ्रँकफर्ट शहरात आहेत. या गंभीर आरोपांच्या चौकशीसाठी काँग्रेसच्या नेतृत्वाखालील कर्नाटक सरकारने एसआयटी स्थापन केली आहे. बुधवारी मुख्यमंत्री सिद्धरामय्या यांनी माजी पंतप्रधान एचडी देवेगौडा यांच्यावर नातवाला देशातून पळून जाण्यात मदत केल्याचा आरोप केला. रेवण्णा यांना व्हिसा दिल्याचा आरोप जेडीएसचा मित्रपक्ष भाजपवर केला. कर्नाटकातील एका सभेला संबोधित करताना सिद्धरामय्या म्हणाले, “खासदार प्रज्वल रेवण्णा व्हायरल व्हिडिओनंतर परदेशात गेले. देवेगौडा यांनी स्वत: त्यांचा नातू प्रज्वल रेवण्णाला परदेशात पाठवले. त्यांना व्हिसा कोणी दिला, भाजपनेच दिला आहे.”

‘कुणाला वाचवण्याचा प्रश्नच नाही’

त्याच वेळी, कर्नाटकचे गृहमंत्री जी. परमेश्वरा यांनी बुधवारी सांगितले की, हसनचे खासदार प्रज्वल रेवण्णा यांच्या कथित ‘सेक्स स्कँडल’मध्ये त्यांना किंवा इतर कोणालाही संरक्षण देण्याचा प्रश्नच उद्भवत नाही. विशेष तपास पथक तयार करून कायद्यानुसार कारवाई केली जाईल. करण्यात आली आहे. काँग्रेसने प्रज्वल रेवण्णा यांच्यावर कोणतीही कारवाई का केली नाही, या केंद्रीय गृहमंत्री अमित शहा यांच्या विधानावर ते प्रतिक्रिया देत होते. प्रज्वल रेवण्णा (33) हे माजी पंतप्रधान एचडी देवेगौडा यांचा मोठा मुलगा एचडी रेवण्णा यांचा मुलगा आहे. एचडी रेवण्णा हे आमदार आणि माजी मंत्री आहेत. प्रज्वल लोकसभा निवडणुकीत हासनमधून भाजप-जेडीएस युतीचे उमेदवार आहेत.