Pope Francis : कॅथलिक चर्चचे प्रमुख आणि ख्रिश्चन धर्मीयांचे सर्वोच्च धर्मगुरू २६६ वे ‘पोप फ्रान्सिस’ यांनी जगाचा निरोप घेतला आहे. काही दिवसांपूर्वी श्वास घेता येत नसल्याने त्यांना रुग्णालयात दाखल केले होते. त्यांच्या निधनानंतर आता जगातील सर्वात मोठा धर्म असलेल्या ख्रिश्चन धर्माच्या सर्वोच्च पदाची खुर्ची रिकामी आहे. अश्यातच या सर्वोच्च धार्मिक पदाची जबाबदारी कोण सांभाळू शकतील यावर आपण एक नजर टाकणार आहोत…

नवीन पोप कोण असू शकतो? ‘ही’ ५ नावे आहेत चर्चेत :

व्हॅटिकन सिटीमध्ये २५३ कार्डिनल आहेत. ८० वर्षांपेक्षा जास्त वयाच्या व्यक्तींना मतदानाच्या अधिकारापासून वंचित ठेवले जाते. यामध्ये फक्त १३८ कार्डिनल्सना मतदानाचा अधिकार आहे.

१. कार्डिनल पिएत्रो पॅरोलिन: व्हॅटिकनच्या शक्ती संरचनेतील एक मोठे नाव म्हणजे ‘कार्डिनल पिएत्रो पॅरोलिन’, ज्यांना गेल्या दशकापासून पोप फ्रान्सिसच्या सर्वात विश्वासू सहाय्यकांपैकी एक मानले जाते. परराष्ट्र सचिव म्हणून, त्यांनी २०१३ पासून व्हॅटिकन राजनैतिक आणि प्रशासनाचे नेतृत्व केले आहे. त्यांचे वय ७० वर्षे आहे. ते इटलीच्या व्हेनेटो प्रदेशातील आहे आणि या वर्षीच्या पोप निवडणूक परिषदेत ते सर्वोच्च क्रमांकाचा कार्डिनल आहे.

२. कार्डिनल पीटर एर्डो: कॅथोलिक चर्चमधील एक नाव, जे त्यांच्या रूढीवादी आणि पारंपारिक विचारांसाठी ओळखले जाते. त्यांचे वय ७२ वर्षे आहे. २००३ मध्ये, पोप जॉन पॉल दुसरे यांनी त्यांना कार्डिनल बनवले. ते युरोपमधील बिशप कॉन्फरन्स कौन्सिलचे माजी अध्यक्ष देखील राहिले आहेत आणि कॅथोलिक परंपरांचे कट्टर समर्थक मानले जातात.

३. कार्डिनल लुईस अँटोनियो टॅगले: लुईस अँटोनियो ६७ वर्षांचे आहेत. जर ते पोप म्हणून निवडले गेले तर ते इतिहासातील पहिले आशियाई पोप बनू शकतात. २०१२ मध्ये पोप बेनेडिक्ट सोळावा यांनी त्यांना कार्डिनल बनवले. चर्चमधील सर्वात प्रगतीशील नेत्यांपैकी एक म्हणून टॅगले यांची ख्याती आहे.

४. कार्डिनल मॅटेओ झुप्पी: कॅथोलिक चर्चमधील सर्वात प्रगतीशील आणि प्रभावशाली चेहऱ्यांपैकी एक. त्यांना पोप फ्रान्सिसच्या सर्वात आवडत्या नेत्यांपैकी एक मानले जाते. त्यांचे वय ६९ वर्षे आहे. ते २०२२ पासून इटालियन एपिस्कोपल परिषदेचे अध्यक्ष आहेत आणि २०१९ मध्ये पोप फ्रान्सिस यांनी त्यांना कार्डिनल म्हणून नियुक्त केले.

५. कार्डिनल रेमंड बर्क: कॅथोलिक चर्चमधील सर्वात रूढीवादी चेहऱ्यांपैकी एक. त्यांचे वय ७० वर्षे आहे. २०१० मध्ये त्यांना पोप बेनेडिक्ट सोळावा यांनी कार्डिनल बनवले.

पोप कधी राजीनामा देऊ शकतात?

कॅनन कायद्यानुसार, जर पोपने औपचारिकपणे राजीनामा जाहीर केला तर तो राजीनामा देऊ शकतो. त्याने राजीनामा दिल्यानंतरच तो वैध मानला जातो. पोपच्या राजीनाम्यानंतर, नवीन पोपची निवड करण्यासाठी एक कॉन्क्लेव्ह आयोजित केला जातो.

जेव्हा पोपचा मृत्यू होतो किंवा तो आपल्या पदाचा राजीनामा देतो तेव्हा कार्डिनल्स नवीन पोपची निवड करण्यासाठी एकत्र येतात. ही निवडणूक व्हॅटिकन सिटीमधील सिस्टिन चॅपलमध्ये होते. १३ मार्च २०१३ मध्ये निवडून आलेले पोप फ्रान्सिस हे स्वतः लॅटिन अमेरिकेतून निवडून आलेले पहिले पोप होते.

पोपची निवड कशी होते?

पोप यांची निवड पाच मोठ्या प्रक्रियेतून होते. पोपच्या राजीनाम्यानंतर किंवा मृत्यूनंतर ८० वर्षांखालील सर्व कार्डिनल व्हॅटिकन सिटीमध्ये एकत्र येतात. तेथेच बैठक होऊन निवडणूक प्रक्रिया घेतली जाते. मतदार सिस्टिन चॅपलमध्ये प्रवेश करतात. तेथे गोपनीयतेची शपथ घेतात.

तिसऱ्या टप्प्यात प्रत्येक कार्डिनल त्यांच्या पसंतीच्या पोपचे नाव कागदी मतपत्रिकेवर लिहितो. जिंकण्यासाठी उमेदवाराला दोन तृतीयांश बहुमत मिळवावे लागते. चौथ्या टप्प्यात, मतदानाच्या प्रत्येक फेरीनंतर मतपत्रिका जाळल्या जातात. काळा धूर म्हणजे कोणताही निर्णय झालेला नाही, तर पांढरा धूर म्हणजे नवीन पोप निवडला गेला आहे.

पाचव्या टप्प्यात, नवीन पोपचे नाव जाहीर केले जाते. सेंट पीटर बॅसिलिकाच्या बाल्कनीत एक वरिष्ठ कार्डिनल दिसतात आणि “हॅबेमस पापम” (आमच्याकडे पोप आहे) अशी घोषणा करतात.

बिकिनीमधील मॉडेलचा फोटो केला लाइक :

पोप फ्रान्सिस यांनी ब्राझीलच्या एका मॉडेलचा चक्क बिकिनीमधील फोटो लाइक केला मात्र त्यांचा या एका लाईकमुळे सोशल मीडियावर चांगलीच चर्चा रंगली होती. झालं असं की.., मॉडेल ‘नतालिया गरिबोटो’ ही स्कूल गर्लच्या वेशातील अत्यंत तोकड्या कपड्यांमध्ये असलेला फोटो सोशल मीडियावर शेअर केला होता.

Pope Francis’ Instagram account appears to ‘like’ bikini model’s photo https://t.co/7LYT9sRiP6 pic.twitter.com/YeJR3BEap5

— New York Post (@nypost) November 17, 2020

याच फोटोला पोप यांनी लाइक केले होते आणि नंतर याचा स्क्रीनशॉट सर्वत्र व्हायरल झाला होता. दरम्यान नेटकऱ्यांकडून मोठ्या संख्येने कमेंट आणि ट्रोल झाल्यानंतर पोप यांच्या अकाउंटवरुन हा फोटो ‘अनलाइक’ करण्यात आला होता.