Sambhaji Chhatrapati | khashaba Movie : मराठी चित्रपटसृष्टीतील आघाडीचे दिग्दर्शक नागराज मंजुळे यांच्या बहुप्रतीक्षित ‘खाशाबा‘ या चित्रपटाचा दमदार टीझर प्रदर्शित होताच सोशल मीडियावर त्याची जोरदार चर्चा रंगली आहे. स्वतंत्र भारताला पहिले वैयक्तिक ऑलिम्पिक पदक मिळवून देणारे महान कुस्तीपटू खाशाबा दादासाहेब जाधव यांच्या संघर्ष, जिद्द आणि ऐतिहासिक कामगिरीवर आधारित हा चित्रपट प्रेक्षकांसाठी प्रेरणादायी ठरणार आहे.

विशेष म्हणजे, या चित्रपटातून माजी खासदार संभाजीराजे छत्रपती अभिनय क्षेत्रात एका महत्त्वपूर्ण ऐतिहासिक भूमिकेत झळकणार असून, त्यांनी साकारलेली भूमिका ही त्यांच्या वैयक्तिक आयुष्याशीही भावनिक नाते सांगणारी आहे. स्वतः त्यांनी सोशल मीडियावर एक पोस्ट शेअर करात याबद्दल माहिती दिली आहे.

‘खाशाबा’ या चित्रपटात माझ्या हृदयाच्या अत्यंत जवळ असणाऱ्या पूजनीय व्यक्तिमत्वाची भूमिका साकारण्याची मला संधी मिळाली. नुकताच या चित्रपटाचा टीजर प्रदर्शित झाला असुन १ जानेवारी २०२७ रोजी हा चित्रपट प्रदर्शित होणार आहे.  (khashaba Movie)

“खाशाबा” या चित्रपटात माझ्या हृदयाच्या अत्यंत जवळ असणाऱ्या पूजनीय व्यक्तिमत्वाची भूमिका साकारण्याची मला संधी मिळाली. नुकताच या चित्रपटाचा टीजर प्रदर्शित झाला असुन १ जानेवारी २०२७ रोजी हा चित्रपट प्रदर्शित होणार आहे.

भारताला ऑलिम्पिक मध्ये पहिले पदक मिळवून देणाऱ्या ऑलिम्पिकवीर… pic.twitter.com/qIqgNUW0T2

— Sambhaji Chhatrapati (@YuvrajSambhaji) July 2, 2026

भारताला ऑलिम्पिक मध्ये पहिले पदक मिळवून देणाऱ्या ऑलिम्पिकवीर पैलवान खाशाबा जाधव यांच्या संघर्षमयी जीवनचरित्रावरील हा चित्रपट असून यामध्ये माझ्या वैयक्तिक आयुष्यात देखील माझ्या हृदयाच्या अत्यंत जवळ असणाऱ्या ऐतिहासिक व्यक्तीमत्वाची भूमिका साकारण्याची संधी मला मिळाली, याचे मला अत्यंत समाधान आहे.

सर्वांनी हा टीजर जास्तीतजास्त प्रसारित करावा व आपल्या देशाची मान अभिमानाने उंचावणाऱ्या पैलवान खाशाबा जाधव यांच्या कार्याची माहिती घेण्यासाठी हा चित्रपट अवश्य चित्रपटगृहात जाऊन पाहावा. असं त्यांनी म्हंटलं आहे. (khashaba Movie)

भारतासाठी ऑलिम्पिक स्पर्धेत पहिले वैयक्तिक पदक जिंकणारे महान पैलवान खाशाबा दादासाहेब जाधव यांच्या प्रेरणादायी जीवनप्रवासावर हा चित्रपट आधारित आहे. त्यांच्या अथक संघर्षाची, देशभक्तीची आणि यशामागील कष्टांची कहाणी मोठ्या पडद्यावर पाहायला मिळणार आहे.  (khashaba Movie)

चित्रपटात कलाकारांचीही तगडी फौज पाहायला मिळणार आहे. महेश मांजरेकर, गिरीश कुलकर्णी, जितेंद्र जोशी, संदीप कुलकर्णी, वैभव मांगले, छाया कदम, गार्गी कुलकर्णी, संदेश कुलकर्णी, ओम भूतकर यांच्यासह स्वतः नागराज मंजुळे देखील महत्त्वपूर्ण भूमिकेत दिसणार आहेत. त्यामुळे चित्रपटाविषयीची उत्सुकता आणखी वाढली आहे.

‘खाशाबा’ हा केवळ एका महान खेळाडूचा चरित्रपट नसून, संघर्ष, जिद्द, देशप्रेम आणि इतिहासाचा अभिमान जपणारी प्रेरणादायी कहाणी असल्याने नववर्षाच्या सुरुवातीलाच प्रेक्षकांना एक भव्य सिनेमॅटिक अनुभव मिळण्याची अपेक्षा व्यक्त केली जात आहे. हा बहुप्रतीक्षित चित्रपट १ जानेवारी २०२७ रोजी प्रदर्शित होणार आहे.