लोणी काळभोर : आगामी काळात पुणे जिल्हा मध्यवर्ती सहकारी बँकेची निवडणुक होणार आहे. त्या पुर्वीच हवेली तालुक्यात सहकार क्षेत्रातील राजकीय वातावरण चांगलेच तापले आहे. हवेली तालुका खरेदी-विक्री संघाच्या निवडणुकीत दोन पॅनेलमध्ये थेट लढत होत असून, या निवडणुकीत तालुक्यातील अनेक मातब्बर नेत्यांनी आपली प्रतिष्ठा पणाला लावली आहे. त्यामुळे ही निवडणूक केवळ सहकारी संस्थेची निवडणूक न राहता हवेलीतील राजकीय वर्चस्वाची लढाई ठरण्याची चिन्हे आहेत.

या निवडणुकीत पुणे जिल्हा बँकेचे विद्यमान संचालक विकास दांगट, कृषी उत्पन्न बाजार समितीचे सभापती प्रकाश जगताप आणि राष्ट्रवादी काँग्रेस (शरद पवार गट) हवेली युवक तालुकाध्यक्ष संदीप गोते यांच्या नेतृत्वाखाली अण्णासाहेब मगर परिवर्तन पॅनेल निवडणुकीच्या रिंगणात उतरले आहे. त्यांच्या विरोधात पुणे जिल्हा बँकेचे माजी अध्यक्ष प्रकाश म्हस्के, बाजार समितीचे माजी सभापती दिलीप काळभोर, जिल्हा बँकेचे संचालक व माजी जिल्हा परिषद अध्यक्ष प्रदीप कंद, राष्ट्रवादीचे ज्येष्ठ नेते सुरेश घुले आणि बाजार समितीचे संचालक प्रशांत काळभोर यांच्या नेतृत्वाखाली सहकार महर्षी अण्णासाहेब मगर शेतकरी विकास पॅनेल मैदान मारण्यासाठी सज्ज झाले आहे.

संस्थेच्या स्थापनेनंतरच्या चार दशकांच्या प्रदीर्घ काळात पहिल्यांदाच ही निवडणूक होत आहे. यापूर्वी ही निवडणूक नेहमी एकमताने बिनविरोध होत असे. मात्र, बाजार समिती व यशवंत सहकारी साखर कारखान्याच्या निवडणुकीत एकत्र असणाऱ्या नेत्यांमध्ये निर्माण झालेले राजकीय वितुष्ट आता खरेदी-विक्री संघाच्या निमित्ताने चव्हाट्यावर आले आहे. यामुळे जुनी राजकीय समीकरणे पुन्हा उफाळून आली असून, ही निवडणूक अतिशय रंजक ठरणार आहे. या निवडणुकीत एकूण ३०३ मतदार असून, दोन्ही पॅनेल्सनी सर्वच प्रवर्गांत जोरदार मोर्चेबांधणी केली आहे.

सहकार महर्षी अण्णासाहेब मगर शेतकरी विकास पॅनेलचे उमेदवार

संस्था प्रतिनिधी – कल्याण अंकुश शिंदे, संजय सोपान गायकवाड, चैतन्य कैलास जोरी, प्रकाश अमृत सावंत, युवराज पंडितराव कांचन, प्रदीप खंडू आहेर, गुलाब भागुजी चौधरी, बाळासाहेब शिवाजी पोकळे, अश्विनी सुखदेव भोरडे आणि तेजस नंदकुमार कोकाटे.

वैयक्तिक सभासद प्रतिनिधी – प्रशांत दत्तात्रय काळभोर, महेंद्र पाटीलबुवा दांगट, मधुकर रामदास घुले आणि शेखर सहदेव म्हस्के.
महिला प्रतिनिधी – सुनीता संदीप धुमाळ आणि सुरेखा अनंता भाडळे.
इतर मागास प्रवर्ग – संजय अमृतराव सातव.
भटक्या-विमुक्त जाती प्रवर्ग – मल्हारी दत्तात्रय केसकर.
अनुसूचित जाती-जमाती प्रवर्ग – सत्यवान दगडू गायकवाड.

अण्णासाहेब मगर परिवर्तन पॅनेलचे उमेदवार

संस्था प्रतिनिधी – रामदास सहादू दांगट, राजेंद्र ज्ञानेश्वर खांदवे, सुभाष सदाशिव टकले, सुभाष ज्ञानोबा कांचन, हनुमंत काळुराम हरगुडे, साईनाथ रामराव वाळके, कृषीराज दत्तात्रय चौधरी, तुषार बापुसो कुटे, राजेंद्र किसन कोंडे आणि शरद गोपाळ भालेकर

वैयक्तिक सभासद प्रतिनिधी – विराज सुभाष काळभोर, प्रविण सुभाष खांदवे, सूर्यकांत दत्तात्रय काळभोर आणि सोमनाथ गोविंद खांदवे.
महिला प्रतिनिधी – कल्पना शिवाजी खटाटे आणि सुशिला राजाराम कदम.
इतर मागास प्रवर्ग – भरत दत्तात्रय काळभोर.
भटक्या-विमुक्त जाती प्रवर्ग – भगवान शंकर मडदे.
अनुसूचित जाती-जमाती प्रवर्ग – विनायक लक्ष्मण कांबळे.