Sukhbir Singh Badal : नांदेडमध्ये शिरोमणी अकाली दलाचे प्रमुख आणि पंजाबचे माजी उपमुख्यमंत्री सुखबीर सिंह बादल यांच्यावर प्राणघातक हल्ल्ला झाल्याची खळबळजनक घटना घडली आहे. मुघट येथील मातासाब गुरुद्वारामध्ये दर्शनासाठी जात असताना त्यांच्यावर प्राणघातक हल्ला करण्यात आला. या हल्ल्यात ते थोडक्यात बचावले असून त्यांच्यावर एका खासगी रुग्णालयात उपचार सुरू असून आज त्यांना पंजाबमध्ये एअरलिफ्ट करण्यात येणार असल्याची माहिती मिळत आहे.

६२ वर्षीय जसपालसिंग याने सुखबीर सिंह बादल यांच्यावर खंजरने हल्ला केला असून पोलिसांनी त्यांना घटनास्थळावरून ताब्यात घेतले आहे. त्याची चौकशी सध्या सुरू आहे. या घटनेची दखल मुख्यमंत्री देवेंद्र फडणवीस यांनी घेतली आहे. चौकशीचे आदेश दिले पोलिसांना दिले आहेत. आरोपीने सुखबीर सिंह बादल यांच्यावर खंजरने वार केला. यात ते जखमी झाले. ज्यावेळी त्याच्याकडून दुसरा वार करणार इतक्यात प्रसंगावधान दाखवत नांदेड पोलीस दलातील पोलीस निरीक्षक संतोष केंद्रे यांनी त्यांचा बचाव केला.

दुसरा वार केंद्र यांच्यावर झाल्याने ते जखमी झाले. त्यांच्यावर रग्णालयात उपचार सुरू आहेत. जर संतोष केंद्रे यांनी प्रसंगावधाना दाखवले नसते तर मोठा अनर्थ झाला असता. ही धक्कादायक घटना सुखबीर सिंह बादल यांच्या पत्नी खासदार हरसिमरत कौर यांच्यासमोरच घडली. नंतर त्यांनी रुग्णालयात जाऊन पोलीस निरीक्षक संतोष केंद्रे यांची भेट घेतली असून त्यांचे आभार मानले आहेत. त्यांना रोख रक्कम बक्षिस म्हणून दिल्याची माहिती देखील मिळत आहे. आता नेमका हा हल्ला का करण्यात आला याविषयीचा सखोल तपास पोलिसांकडून सुरू आहे.

कोण आहे हल्ला करणारा जसपालसिंग?

• ६२ वर्षीय जसपालसिंग मूळचा पुण्यातील आहे.
• जसपालसिंग पुणे न्यायालयात वकील होता.
• २ वर्षांपासून नांदेडजवळील एका गुरूद्वारात सेवा करत आहे.

Chandrashekhar Bawankule: “माझ्या व्यंगावर बोलून आनंद मिळत असेल तर टिंगल करा..” मनोज जरांगेंच्या टीकेवर बावनकुळे भावनिक