PMC News – भटक्या आणि माेकाट कुत्र्यांचा उपद्रव थांबवा, याेग्य ती कार्यवाही करावी, अशा मागण्या नगरसेवकांनी बुधवारी महापालिका मुख्य सभेत केल्या. या प्रश्नावर ठाेस उपाययाेजना करू, असे आश्वासन महापालिका प्रशासनाने दिले आहे. नगरसेविका ऐश्वर्या पठारे, नगरसेवक कुणाल टिळक, धीरज घाटे, प्रिया गदादे, अर्चना पाटील, सभागृह नेते गणेश बिडकर आदींनी भटक्या कुत्र्यांचा प्रश्न गंभीर असल्याबाबत प्रशासनाचे लक्ष वेधले. मुख्य सभेत आयत्या वेळच्या विषयावर झालेल्या या प्रश्नावरील चर्चेत अतिरिक्त आयुक्त पवनीत काैर यांनी प्रशासन करत असलेली कार्यवाही आणि उपाययाेजनांची माहिती देऊन ठाेस उपाययाेजना करण्याचे आश्वासन दिले. उपमहापाैर परशुराम वाडेकर यांनीही हा प्रश्न गंभीर असल्याने तातडीने कार्यवाही करण्याचे आदेश दिले. भटक्या आणि माेकाट कुत्र्यांच्या हल्ल्यांबाबत नगरसेवकांनी चाकण येथील घटनेत कुत्र्यांच्या हल्ल्यात एका महिलेचा मृत्यू झाल्याच्या घटनेचा संदर्भ दिला. कुत्र्यांचा बंदाेबस्त केला का करत नाही, लसीकरण आणि नसबंदी करण्याची क्षमता असूनही, त्या वेगाने का हाेत नाहीत, असे मुद्दे मांडले. मोकाट कुत्री घाटे यांनी सारसबागेत माेकाट कुत्र्यांचा सुळसुळाट झाल्याचे निवेदन प्रशासनाला दिले हाेते. त्यावर प्रशासनाने कारवाई केली; परंतु या कुत्र्यांना खाद्य देणाऱ्यांवर नियंत्रण आणणे, फिडींग पॉइंट ठरवणे गरजेचे असल्याचे त्यांनी नमूद केले. माेकाट कुत्र्यांविराेधात तक्रार करणाऱ्यांच्या विराेधात प्राणिमित्र नागरिक केंद्रीय संस्थेकडे तक्रार करतात, हे प्रकार थांबणे गरजेचे आहे, असे सदस्यांनी नमूद केले. समाविष्ट गावांत संकरीत माेकाट कुत्र्यांचा प्रश्न गंभीर असल्याचे सांगून ती अधिक हिंस्त्र असतात असतात, मांसाहार मिळाला नाही, तर ते मानवावर हल्ला करतात, ही गंभीर बाब बिडकर यांनी सभागृहाच्या निदर्शनास आणून दिली. “महापालिकेतर्फे शहराच्या तीन भागांत डाॅग शेल्टर उभारण्यात येणार असून, त्यासाठी अंदाजपत्रकात २५ काेटी रुपयांची तरतूद केली आहे. प्रत्येक शेल्टरमध्ये एक हजार कुत्री ठेवता येतील, एवढी क्षमता असून, सर्वाेच्च न्यायालयाच्या आदेशानुसार कार्यवाही केली जात आहे.” – पवनीत कौर, अतिरिक्त आयुक्त, पुणे महापालिका
