LPG gas cylinder : केंद्र सरकारने प्रधानमंत्री उज्ज्वला योजनेच्या नियमांमध्ये एक मोठा बदल केला आहे. सरकारने आता अनुदानित एलपीजी सिलिंडर रिफिलची वार्षिक संख्या नऊवरून चारवर आणली आहे. याचा अर्थ, उज्ज्वला योजनेअंतर्गत येणा-या कुटुंबांना वर्षाला केवळ चार सिलिंडरवरच अतिरिक्त अनुदानाचा लाभ घेता येणार आहे. (LPG gas cylinder)

एका सरकारी अधिका-याने सोमवारी सांगितले की, सरासरी घरगुती वापर लक्षात घेऊन हा बदल करण्यात आला आहे. २०१६ मध्ये सुरू झालेल्या या योजनेअंतर्गत लाभार्थ्यांना पूर्वी वर्षाला १२ अनुदानित १४.२ किलोग्रामचे सिलिंडर मिळत होते. (LPG gas cylinder)

तथापि, गेल्या वर्षी अनुदानित सिलिंडरची संख्या नऊवर आणण्यात आली होती आणि आता ती आणखी कमी करून चार करण्यात आली आहे. पेट्रोलियम आणि नैसर्गिक वायू मंत्रालयाचे अतिरिक्त सचिव प्रवीण माल खानुजा यांनी सांगितले की, ही सुधारित मर्यादा उज्ज्वला लाभार्थ्यांच्या सरासरी वार्षिक गॅस वापराच्या जवळपास आहे. (LPG gas cylinder)

लाभार्थ्यांच्या गरजेनुसार मदत देणे हा सरकारचा उद्देश आहे. सरकारने मे २०२२ मध्ये उज्ज्वला योजनेच्या लाभार्थ्यांसाठी प्रति सिलिंडर २०० रुपयांचे लक्ष्यित अनुदान सुरू केले, जे नंतर ऑक्टोबर २०२३ मध्ये ३०० रुपयांपर्यंत वाढवण्यात आले. (LPG gas cylinder)