Steel Plant Explosion : आंध्र प्रदेशातील विशाखापट्टणम येथील पोलाद कारखान्याच्या एसएमएस-2 आणि एसटीसी-3 उष्णता केंद्रांमधून मोठ्या प्रमाणात वितळलेले पोलाद गळती झाल्याने आठ कामगारांचा मृत्‍यू झाला असून अनेक जण जखमी झाले आहेत. (Steel Plant Explosion)

विशाखापट्टणम स्टील प्लांटचे सर्कल इन्स्पेक्टर केशव राव यांनी दिलेल्‍या माहितीनुसार, वितळलेले स्टील वाहून नेणाऱ्या एका पळीचा (लॅडल) अतिशय उच्च तापमानावर स्फोट झाल्याने ही दुर्घटना घडली. स्टील प्लांटमध्ये घबराट पसरली आणि कामगार जीव वाचवण्यासाठी सैरावैरा पळू लागले. (Steel Plant Explosion)

प्लांटचे कर्मचारी घटनास्थळी दाखल झाले असून आग विझवण्याचा प्रयत्न करत आहेत. आतापर्यंत आठ मृतदेह बाहेर काढण्यात आले असून, मृतांची संख्या वाढण्याची शक्यता असल्याचे संबंधित अधिकाऱ्यांनी सांगितले. (Steel Plant Explosion)

याबाबत माहिती मिळताच राज्याच्या गृहमंत्री वंगलपुडी अनिता यांनी घटनास्‍थळी धाव दुर्घटनेचा आढावा घेत प्रशासनाला तातडीने मदत करण्‍याचे निर्देश दिले. तसेच जखमींना सर्वोत्तम उपचार मिळावेत आणि अपघातस्थळी बचाव व मदतकार्याला गती द्यावी, असे निर्देश मंत्र्यांनी अधिकाऱ्यांना दिले. (Steel Plant Explosion)