PM Modi on Army Day। देशभरात आज लष्कर दिन साजरा केला जात आहे. यानिमित्ताने पंतप्रधान नरेंद्र मोदी यांनी भारतीय सैन्याला आदरांजली वाहिली. त्याच्यासोबतच त्यांनी सैन्याच्या धैर्य, शौर्य आणि बलिदानाचे कौतुक केले. पंतप्रधानांनी  याविषयी बोलताना, “भारतीय सैन्याचे समर्पण आणि शौर्य ही प्रत्येक भारतीयासाठी अभिमानाची गोष्ट आहे आणि देशाचे रक्षण करण्यात सैनिकांची भूमिका अतुलनीय आहे.” असे म्हटले आहे.

पंतप्रधान नरेंद्र मोदी यांनी सोशल मीडियावर लष्कर दिनानिमित्त एक विशेष संदेश शेअर केला. त्यांनी लिहिले की, दुर्गम पर्वतांपासून ते बर्फाच्छादित शिखरांपर्यंत भारतीय सैन्याचे धैर्य आणि शौर्य देशाला अभिमानास्पद आहे” असे म्हटले. त्यांनी सीमेवर तैनात असलेल्या सैनिकांना मनापासून सलाम केला आणि त्यांच्या बलिदानाला आदरांजली वाहिली.

भारतीय सैन्य निःस्वार्थ सेवेचे प्रतीक  

पंतप्रधान मोदी म्हणाले की भारतीय सैनिक निःस्वार्थ सेवा आणि समर्पणाचे प्रतीक आहेत. ते सर्वात कठीण परिस्थितीतही मातृभूमीचे रक्षण करण्यात दृढ राहतात. ते म्हणाले की सैनिकांची शिस्त, धैर्य आणि दृढनिश्चय देशभरात सुरक्षा आणि आत्मविश्वासाची भावना मजबूत करते. पंतप्रधानांनी आपल्या संदेशात देशाचे रक्षण करताना सर्वोच्च बलिदान देणाऱ्या शूर सैनिकांना श्रद्धांजली वाहिली. त्यांनी म्हटले की, अशा वीरांना राष्ट्र नेहमीच आदर आणि कृतज्ञतेने आठवते.

दुर्गम स्थलों से लेकर बर्फीली चोटियों तक हमारी सेना का शौर्य और पराक्रम हर देशवासी को गौरवान्वित करने वाला है। सरहद की सुरक्षा में डटे जवानों का हृदय से अभिनंदन!

अस्माकमिन्द्रः समृतेषु ध्वजेष्वस्माकं या इषवस्ता जयन्तु।

अस्माकं वीरा उत्तरे भवन्त्वस्माँ उ देवा अवता हवेषु॥ pic.twitter.com/ixCwzPCWh9

— Narendra Modi (@narendramodi) January 15, 2026

१५ जानेवारी रोजी लष्कर दिन का साजरा केला जातो?

भारतात दरवर्षी १५ जानेवारी रोजी लष्कर दिन साजरा केला जातो. हा दिवस भारतीय लष्करी इतिहासातील एका महत्त्वाच्या घटनेशी संबंधित आहे. १९४९ मध्ये या दिवशी फील्ड मार्शल के.एम. करिअप्पा यांनी भारतीय लष्कराचे पहिले भारतीय कमांडर-इन-चीफ म्हणून पदभार स्वीकारला. ते ब्रिटिश जनरल एफ.आर.आर. बुचर यांच्यानंतर आले. भारतीय लष्कराच्या शौर्य, शिस्त आणि बलिदानाचा सन्मान करण्यासाठी हा दिवस साजरा केला जातो.

देशभरात लष्कर दिन साजरा

सेना दिनानिमित्त देशभरातील विविध लष्करी आस्थापनांमध्ये विशेष कार्यक्रम आयोजित केले जातात. हे कार्यक्रम सैन्याची ताकद, शिस्त आणि परंपरा दर्शवतात. ते शहीद सैनिकांना श्रद्धांजली वाहतात आणि शौर्याशी संबंधित कार्यक्रमांद्वारे तरुणांमध्ये देशभक्तीची भावना बळकट करतात.