Narendra Modi – श्रीकृष्णाने युद्धभूमीवर गीतेचा संदेश दिला आणि भगवद्गीता आपल्याला शिकवते की, शांती आणि सत्याच्या स्थापनेसाठी अत्याचारींचा अंत करणे देखील आवश्यक आहे. आम्ही लाल किल्ल्याच्या तटबंदीवरून श्रीकृष्णाच्या करुणेचा संदेश देतो आणि त्याच तटबंदीवरून आम्ही मिशन सुदर्शन चक्राची घोषणा देखील करतो. ऑपरेशन सिंदूरमध्ये राष्ट्राने आमचा संकल्प पाहिला आहे. आम्हाला शांतता कशी स्थापित करायची आणि शांतीचे रक्षण कसे करायचे हे देखील माहित आहे, असे प्रतिपादन पंतप्रधान नरेंद्र मोदी यांनी केले आहे. उत्तर कर्नाटकमधील उडुपी येथे मोदींची एक रॅली झाली. जगद्गुरु श्री श्री सुगुणेंद्र तीर्थ स्वामीजी यांनी विश्व गीता पर्यम – लक्ष्य कंठ गीता पारायण येथे पंतप्रधान नरेंद्र मोदी यांचा सत्कार केला. त्यावेळी मोदी बोलत होते. मेळाव्याला संबोधित करताना मोदी म्हणाले, उडुपीला भेट देणे माझ्यासाठी देखील खास आहे कारण उडुपी ही जनसंघाची आणि भाजपच्या सुशासनाच्या मॉडेलची भूमी आहे. १९६८ मध्ये, उडुपीच्या लोकांनी व्ही. एस. आचार्य यांना येथील नगरपरिषदेवर निवडून दिले. आज आपण देशभरात पाहत असलेली स्वच्छता मोहीम पाच दशकांपूर्वी उडुपीने स्वीकारली होती. पंतप्रधान मोदी म्हणाले, येण्यापूर्वी तीन दिवस आधी मी अयोध्येत होतो. २५ नोव्हेंबर रोजी विवाह पंचमीच्या शुभ दिवशी अयोध्येतील रामजन्मभूमी मंदिरात धर्मध्वज फडकवण्यात आला. राम मंदिर चळवळीत उडुपीची भूमिका किती महत्त्वाची आहे, हे संपूर्ण देशाला माहिती आहे. आज, सबका साथ, सबका विकास आणि सर्वजन हिताय सर्वजन सुखाय ही आपली धोरणे भगवान श्रीकृष्णाच्या या श्लोकांपासून प्रेरित आहेत. भगवान श्रीकृष्ण आपल्याला महिलांच्या सुरक्षिततेचे आणि महिला सक्षमीकरणाचे ज्ञान शिकवतात आणि त्यांच्या प्रेरणेतूनच देशाने नारी शक्ती वंदन कायद्याचा ऐतिहासिक निर्णय घेतला गेला.
