pmkisan – पंतप्रधान किसान सन्मान निधी योजनेंतर्गत शेतकऱ्यांना वार्षिक 6,000 रुपयांची आर्थिक मदत दिली जाते. ही रक्कम शेतकऱ्यांच्या खात्यावर प्रत्येकी 4 महिन्यांच्या अंतराने प्रत्येकी 2,000 रुपयांच्या तीन हप्त्यांमध्ये पाठवली जाते. सध्या शेतकऱ्यांच्या खात्यावर 15 हप्ते जमा झाले आहेत. ताज्या अपडेटनुसार, 16 वा हप्ता फेब्रुवारी महिन्यात शेतकऱ्यांच्या खात्यावर पाठवला जाऊ शकतो. सध्या, पुढील हप्त्याचा लाभ घेण्यासाठी, अधिकृत वेबसाइटवरून नोंदणी प्रक्रिया केली जाईल. येथे नोंदणी करा – पंतप्रधान किसान सन्मान निधी योजनेचा लाभ मिळवायचा असेल तर शेतकऱ्यांनी ताबडतोब शेतीशी संबंधित कागदपत्रं, बँक खात्यांचे आधार सीडिंग आणि पीएम किसान पोर्टलवर ईकेवायसी करून घ्यावे. यासाठी शेतकरी नोंदणीसाठी अधिकृत साइट pmkisan.gov.in ची मदत घेऊ शकता. पीएम किसान योजना नोंदणी स्थिती देखील येथे तुम्ही तपासू शकता. या दरम्यान कोणतीही माहिती चुकीची भरली गेली आहे का ते देखील तपासा. तसे असल्यास, ते त्वरित दुरुस्त करुन घ्या. आधीपासून लाभ घेत असलेल्या शेतकऱ्यांसाठी ईकेवायसी महत्वाची आहे. जर तुम्ही ईकेवायसी केलेली नसेल तर तुमच्या जवळच्या ईसेवा केंद्रावर जाऊन करुन घ्यावी. तर पुढील हप्त्याला होऊ शकतो विलंब – ई-केवायसी व्यतिरिक्त, तुमचे आगामी हप्ते इतर कारणांमुळे देखील अडकू शकतात. तुम्ही भरलेल्या अर्जात कोणतीही चूक नसावी. उदाहरणार्थ, जर लिंग, नावाची चूक, चुकीचा आधार क्रमांक किंवा चुकीचा पत्ता वगैरे असेल तर पुढील हप्ता तुमच्या खात्यात येणार नाही. याशिवाय, खाते क्रमांक चुकीचा असला तरीही, 2,000 रुपये तुमच्या खात्यात पोहोचणार नाहीत. pmkisan.gov.in ला भेट देऊन एकदा तुमच्या अर्जाची स्थिती तपासा. दिलेल्या माहितीतील कोणताही भाग चुकीचा असल्यास तो त्वरित दुरुस्त करा अन्यथा पुढील हप्त्यापासून वंचित राहाल. शेतकऱ्यांनी येथे संपर्क साधा – पीएम किसान योजनेशी संबंधित कोणतीही समस्या असल्यास, शेतकरी pmkisan-ict@gov.in या ईमेल आयडीवर संपर्क साधू शकतात. तुम्ही पीएम किसान योजनेच्या हेल्पलाइन नंबर – 155261 किंवा 1800115526 (टोल फ्री) किंवा 011-23381092 वर संपर्क साधू शकता. पीएम किसान योजनेविषयी थोडक्यात माहिती – पीएम किसान सम्मान निधी योजना केंद्र सरकारद्वारे चालवली जाते. 24 फेब्रुवारी 2019 पासून या योजनेला सुरुवात झाली आहे. ही योजना कृषि आणि शेतकरी कल्याण मंत्रालयाअंतर्गत येते. वर्षभरात तीन हप्त्यांत 2 हजार प्रमाणे एकूण 6 हजार रुपयांची मदत दिली जाते. देशातील सर्व शेतकऱ्यांसाठी ही योजना लागू आहे. pmkisan.gov.in ही या योजनेसाठी अधिकृत वेबसाईट आहे. पीएम किसान नोंदणीसाठी आवश्यक कागदपत्रं – -पत्त्याचा पुरावा -मतदार कार्ड -जमिनीशी संबंधित माहिती -मोबाईल नंबर -पासपोर्ट आकाराचा फोटो -आधार कार्ड -बँक खाते पासबुक पीएम किसान योजनेसाठी नवीन शेतकऱ्यांनी नोंदणी कशी करावी? -पीएम किसान नोंदणी करण्यासाठी, सर्वप्रथम तुम्हाला पीएम किसान सन्मान निधी योजनेच्या अधिकृत वेबसाइटवर जावे लागेल – https://pmkisan.gov.in/. -तुम्ही या वेबसाइटला भेट देताच या वेबसाइटचे होम पेज तुमच्यासमोर उघडेल. -होम पेजवर तुम्हाला Farmer Corner मध्ये New Farmer Registration चा पर्याय मिळेल, त्यावर क्लिक करा. -त्यानंतर तुमच्यासमोर एक नवीन पेज उघडेल आणि तुम्हाला तुमचे नाव, मोबाईल नंबर आणि राज्य विचारले जाईल. ही सर्व माहिती तुम्हाला बरोबर भरायची आहे. -यानंतर तुम्हाला खालील कॅप्चा कोड भरावा लागेल आणि Send OTP च्या पर्यायावर क्लिक करावे लागेल. -आता तुम्ही एंटर केलेल्या मोबाईल नंबरवर एक OTP पाठवला जाईल, जो तुम्हाला येथे भरावा लागेल आणि सबमिट पर्यायावर क्लिक करा. -त्यानंतर तुम्हाला विचारले जाईल की तुम्हाला नोंदणी करायची असेल तर तुम्हाला “Yes” या पर्यायावर क्लिक करावे लागेल. -हे केल्यावर तुमच्यासमोर एक नोंदणी फॉर्म उघडेल. -आता तुम्हाला या फॉर्ममध्ये विचारलेली सर्व माहिती अचूक भरावी लागेल आणि जमिनीशी संबंधित सर्व कागदपत्रे काळजीपूर्वक अपलोड करावी लागतील. -यानंतर, खालील सबमिट पर्यायावर क्लिक करा. – तुम्ही सबमिट पर्यायावर क्लिक करताच, तुम्ही या योजनेत यशस्वीपणे नोंदणी केली आहे. – नोंदणीनंतर, विभागाकडून तुमच्या सर्व माहितीचे पुनरावलोकन केले जाईल आणि पडताळणी केल्यानंतर, तुमची या योजनेत यशस्वीपणे नोंदणी केली जाईल.
