प्रभात वृत्तसेवा पिंपरी – रिपब्लिकन पार्टी ऑफ इंडिया (आरपीआय आठवले गट) चे पिंपरी चिंचवड शहराध्यक्ष कुणाल वाव्हळकर यांच्या वतीने प्रभाग क्रमांक २५ मध्ये रेशनकार्ड आणि भांड्यांच्या संचाचे वाटप करण्यात आले. या कार्यक्रमासाठी चिंचवड विधानसभेचे आमदार शंकर जगताप, आरपीआयच्या महिला प्रदेशाध्यक्षा चंद्रकांता सोनकांबळे, प्रदेश उपाध्यक्ष बाळासाहेब भागवत, भाजपा ओबीसी सेलचे अध्यक्ष चेतन भुजबळ, उपाध्यक्ष राम वाकडकर, सचिव नवनाथ ढवळे, पुणे जिल्हा नियोजन समिती सदस्य भारती विनोदे, रिपाईचे पश्चिम महाराष्ट्र सचिव सिकंदर सूर्यवंशी, माजी मंडलाध्यक्ष प्रसाद कस्पटे, कामगार नेते विनोद चांदमारे, रिपब्लिकन सेना जिल्हाध्यक्ष सुनील ढसाळ, महिला आघाडी अध्यक्ष कमल कांबळे, रिपाई नेत्या लता ओव्हाळ, शोनेस्ट टॉवर सोसायटीचे अध्यक्ष निलेश खोब्रागडे, युवा उद्योजक सुरज भुजबळ, निलेश वाघमारे, योगेश भोसले आदी उपस्थित होते.सर्वसामान्यांना आवश्यक असलेले रेशन कार्ड त्यांना सहज मिळावे. तसेच दिवाळीनिमित्त गरीब व गरजू नागरिकांना दिवाळी भेट देण्यासाठी या कार्यक्रमाचे आयोजन करण्यात आले होते. यावेळी आमदार शंकर जगताप यांनी कुणाल वाव्हळकर यांच्या पाठिशी नागरिकांनी खंबीरपणे उभे राहण्याचे आवाहन केले. त्यामुळे प्रभाग क्रमांक २५ मधून भाजपा आरपीआयसाठी जागा सोडणार असल्याच्या चर्चेला उधाण आले आहे.दरम्यान, महापालिका निवडणुकीसाठी भाजपा आणि आरपीआय एकत्र लढण्याची शक्यता आहे. आरपीआयने किमान १५ जागा मिळाव्यात अशी मागणी केली आहे. आमदार जगताप यांनी स्वतः कार्यक्रमाला उपस्थित राहत गौरवोद्गार काढल्याने कुणाल वाव्हळकर यांचा पारडे जड झाले आहे. –
