Fuel Shortage : महाराष्ट्रातील मराठवाडा विभागासह अनेक जिल्ह्यांमध्ये पेट्रोल आणि डिझेलचा तीव्र तुटवडा निर्माण झाला असून, इंधनासाठी नागरिकांची मोठी धावपळ उडाली आहे. प्रामुख्याने लातूर, बीड, धाराशीव आणि जालना जिल्ह्यांत परिस्थिती अधिक गंभीर असून अनेक पंपांवर ‘नो स्टॉक’चे फलक झळकताना दिसत आहेत. (Fuel Shortage)

लातूर जिल्ह्यात पेट्रोल आणि डिझेलचा तीव्र तुटवडा निर्माण झाला असून, परिस्थिती चिंताजनक बनली आहे. कालपासून जिल्हाभर इंधनाची कमतरता जाणवत असून, अनेक पेट्रोल पंपांवर नागरिकांना तासनतास रांगा लावून थांबावे लागत आहे. (Fuel Shortage)

इंधन उपलब्ध नसल्यामुळे शहरासह ग्रामीण भागातील अनेक पेट्रोल पंप बंद ठेवावे लागले आहेत. या तुटवड्याचा थेट परिणाम वाहतुकीवर झाला असून, सार्वजनिक तसेच खासगी वाहतूक मोठ्या प्रमाणात विस्कळीत झाली आहे. (Fuel Shortage)

अचानक निर्माण झालेल्या या परिस्थितीमुळे नागरिकांमध्ये संभ्रम आणि नाराजीचे वातावरण असून, प्रशासनाने लवकरात लवकर इंधन पुरवठा सुरळीत करण्याची मागणी होत आहे.

जालना जिल्ह्यातही पेट्रोल पंप बंद

जालना जिल्ह्यातील शाहगड परिसरातील अनेक पेट्रोल पंपांवर इंधन उपलब्ध नाही. अनेक पेट्रोल पंपांवर ‘स्टॉक नाही’ असे फलक लावण्यात आले आहेत. पेट्रोल आणि डिझेलच्या तुटवड्यामुळे वाहनचालकांसमोर मोठे संकट निर्माण झाले आहे. जिथे इंधन उपलब्ध आहे, तिथे पंपांवर वाहनांच्या लांबच लांब रांगा दिसत आहेत. बीड जिल्ह्यात गेल्या तीन दिवसांपासून डिझेलचा तुटवडा जाणवत आहे. (Fuel Shortage)

तुटवड्याचे नेमके कारण काय?  (Fuel Shortage)

 

 

इंधन कंपन्यांकडून होणारा पुरवठा विस्कळीत झाल्यामुळे हा तुटवडा निर्माण झाल्याचे प्राथमिक रित्या सांगितले जात आहे. काही ठिकाणी तांत्रिक बिघाड किंवा डेपोतून होणाऱ्या वितरणातील विलंबामुळे ही परिस्थिती ओढवली असल्याची चर्चा आहे. मात्र, प्रशासनाकडून अद्याप अधिकृत स्पष्टीकरण येणे बाकी आहे. (Fuel Shortage)

हेही वाचा :

Petrol and Diesel : खिशाला मोठा फटका बसणार.! पेट्रोल आणि डीझेलही महागण्याची चिन्हे

Petrol-Diesel Vehicles: पेट्रोल-डिझेल गाड्या खरेदी करणाऱ्यांसाठी वाईट बातमी ; नितीन गडकरी म्हणाले,”त्यांना भविष्य नाही…”