Petrol-Diesel Rate : इराण-अमेरिका तणाव, जागतिक कच्च्या तेलाच्या किमतीतील चढ-उतार आणि ऊर्जा सुरक्षेच्या चिंतेमुळे अनेक देशांमध्ये इंधन दरांबाबत हालचाली सुरू आहेत. अशातच पाकिस्तान सरकारने नागरिकांना दिलासा देत पेट्रोलच्या दरात प्रति लिटर 4 पाकिस्तानी रुपयांची कपात जाहीर केली आहे. मात्र डिझेलचे दर कायम ठेवण्यात आले आहेत.

पाकिस्तानच्या ऊर्जा मंत्रालयाने जारी केलेल्या अधिसूचनेनुसार, पेट्रोलची एक्स-डिपो किंमत 381.78 रुपयांवरून 377.78 रुपये प्रति लिटर करण्यात आली आहे. तर हाय-स्पीड डिझेल (HSD) ची किंमत 380.78 रुपये प्रति लिटर इतकीच कायम ठेवण्यात आली आहे. नवीन दर 6 जूनपासून लागू झाले आहेत. ( Petrol-Diesel Rate)

सलग चौथ्या आठवड्यात दिलासा :  (Petrol-Diesel Rate)

पाकिस्तानमध्ये गेल्या काही आठवड्यांपासून इंधन दरांमध्ये कपात सुरू आहे. जागतिक बाजारात कच्च्या तेलाच्या किंमतीत झालेल्या घसरणीचा फायदा ग्राहकांना देण्याचा प्रयत्न सरकारकडून करण्यात येत आहे. गेल्या आठवड्यातही पेट्रोल आणि डिझेलच्या दरात मोठी कपात करण्यात आली होती.

भारतातील परिस्थिती काय?  (Petrol-Diesel Rate)

भारतात पेट्रोल आणि डिझेलचे दर सध्या मोठ्या प्रमाणात स्थिर असले तरी अलीकडच्या काळात इंधनाच्या किमतींमध्ये काही टप्प्याटप्प्याने वाढ करण्यात आली आहे. तेल विपणन कंपन्यांवर वाढत्या आयात खर्चाचा दबाव असल्याचे सांगितले जात आहे.

जागतिक बाजारात कच्च्या तेलाच्या किमती काही प्रमाणात कमी होत असल्याने भारतातही भविष्यात इंधन दरकपातीची शक्यता व्यक्त केली जात आहे. मात्र केंद्र सरकार किंवा तेल कंपन्यांकडून अद्याप कोणतीही अधिकृत घोषणा करण्यात आलेली नाही.