Pawan Khera : पंतप्रधान नरेंद्र मोदी यांना इतका विश्वास असेल की ईव्हीएमचा निवडणुकीच्या निकालांवर काहीही परिणाम होत नाही, तर त्यांनी भाजपच्या निवडणूक क्षमतेवरील आपला विश्वास केवळ शाब्दिक घोषणाबाजीने नव्हे, तर कृतीतून सिद्ध करावा.

यापुढे सर्व लोकसभा आणि आगामी विधानसभेच्या निवडणुका मतपत्रिकेद्वारे घेण्याचे वचन द्यावे, असे आवाहन करत काँग्रेसने टीकेला प्रत्युत्तर दिले. काँग्रेस नेते पवन खेरा (Pawan Khera) म्हणाले, एसआयआर प्रक्रिया तातडीने थांबवावी आणि मतदार यादीतून बेकायदेशीरपणे वगळलेल्या १३.३ कोटी मतदारांना पुन्हा समाविष्ट करावे.

तसेच निवडणूक आयुक्‍त ज्ञानेश कुमार यांना पदावरून दूर करत त्‍यांना आजीवन संरक्षण देणारा कायदा रद्द करावा. जोपर्यंत मोदी या मागण्यांवर कृती करत नाहीत, तोपर्यंत त्यांचे दावे म्हणजे निव्वळ पोकळ शब्द आहेत, ज्यांना कोणीही गांभीर्याने घेऊ शकत नाही, असा टोलाही त्‍यांनी (Pawan Khera) लगाविला.