Pakistan Team World Record : झिम्बाब्वेविरुद्ध खेळल्या गेलेल्या दुसऱ्या टी-20 सामन्यात पाकिस्तानची कामगिरी उत्कृष्ट राहिली. नाणेफेक जिंकून प्रथम फलंदाजीला आलेल्या झिम्बाब्वे संघाचा हा निर्णय पूर्णपणे चुकीचा ठरला. संघाचा एकही फलंदाज क्रीझवर टिकू शकला नाही आणि अवघ्या 12.4 षटकांत केवळ 57 धावा करून संपूर्ण संघ गडगडला.
Pakistan complete their third 🔟-wicket win in T20Is 👏
Just 3️⃣3️⃣ balls needed for the chase and secure a 2-0 lead in the series 🔥#ZIMvPAK | #BackTheBoysInGreen pic.twitter.com/L1YYY8bOqm
— Pakistan Cricket (@TheRealPCB) December 3, 2024
प्रत्युत्तरात 58 धावांच्या लक्ष्याचा पाठलाग करताना ओमेर युसूफ आणि सॅम अयुब यांनी पाकिस्तान संघाला झंझावाती सुरुवात करून दिली आणि अवघ्या 33 चेंडूत लक्ष्याचा पाठलाग केला. युसूफ 15 चेंडूत 22 धावा करून नाबाद राहिला, तर अयुबने 18 चेंडूत 6 चौकार आणि 1 षटकाराच्या मदतीने नाबाद 36 धावा केल्या. या विजयासह पाकिस्तानने तीन सामन्यांच्या मालिकेत 2-0 अशी अभेद्य आघाडीही घेतली आहे. यासह पाकिस्तान क्रिकेट संघाच्या नावावर नवा विश्वविक्रम नोंदवण्यात आला आहे. या संघाने टी-20 आंतरराष्ट्रीय स्पर्धेत असे स्थान मिळवले आहे, जे आतापर्यंत जगातील इतर कोणत्याही संघाला गाठता आलेले नाही.
पाकिस्तानच्या नावावर जागतिक विक्रमाची नोंद
वास्तविक, टी-20 आंतरराष्ट्रीय क्रिकेटमध्ये 250 सामने खेळणारा पाकिस्तान हा जगातील पहिला संघ ठरला आहे. 250 सामन्यांपैकी 145 सामन्यांमध्ये पाकिस्तानने विजयाची चव चाखली आहे. पाकिस्तानपूर्वी जगातील कोणत्याही संघाला हा टप्पा गाठता आलेला नाही.
या यादीत टीम इंडियाचे नाव दुसऱ्या स्थानावर आहे, ज्यांनी आतापर्यंत एकूण 242 टी-20 आंतरराष्ट्रीय सामने खेळले आहेत, ज्यापैकी टीमने 165 सामने जिंकले आहेत. त्याचबरोबर 222 सामने खेळणाऱ्या न्यूझीलंड संघाचे नाव तिसऱ्या क्रमांकावर आहे. यानंतर 213 टी-20 आंतरराष्ट्रीय सामने खेळून वेस्ट इंडिज यादीत चौथ्या स्थानावर आहे.
