Pakistan News : पाकिस्तानने राष्ट्रीय आणि आंतरराष्ट्रीय उड्डाणे रद्द केली आहेत. तसेच, सर्व विमानतळ बंद करण्यात आले आहेत. यापूर्वी भारताच्या ऑपरेशन सिंदूरमुळे घाबरलेल्या पाकिस्तानने कराची, लाहोर आणि इस्लामाबाद विमानतळ बंद केले होते. कराची विमानतळ मध्यरात्री १२ वाजेपर्यंत बंद ठेवण्यात आले होते. यासोबतच नोटम देखील जारी करण्यात आला.

पाकिस्तान विमानतळ प्राधिकरणाने बुधवारी रात्री उशिरा एका निवेदनात म्हटले आहे की, लाहोर आणि इस्लामाबाद विमानतळांवरील सर्व व्यावसायिक उड्डाणांसाठी देशाचे हवाई क्षेत्र बंद करण्यात आले आहे. यापूर्वी बुधवारी, भारतीय सैन्याने पाकिस्तान आणि पाकव्याप्त काश्मीरमधील दहशतवादी तळांवर हल्ला केल्यानंतर पाकिस्तानने ४८ तासांसाठी आपले हवाई क्षेत्र बंद ठेवण्याची घोषणा केली होती.

पाकिस्तानचा ड्रोन हल्ला !

गुरुवारी संध्याकाळी पाकिस्तानने पुन्हा एकदा आणखी एक धाडसी पाऊल उचलले. क्षेपणास्त्रे आणि ड्रोनने हल्ला करण्याचा प्रयत्न केला, परंतु पाकिस्तान पुन्हा अयशस्वी झाला आणि जम्मूमधील हवाई संरक्षण यंत्रणेने पाकिस्तानची क्षेपणास्त्रे आणि ड्रोन पाडले. पाकिस्तानच्या नापाक हेतूंनंतर, अलर्ट जारी करण्यात आला आणि संपूर्ण जम्मूमध्ये ब्लॅकआउट करण्यात आले.

केवळ जम्मूच नाही तर राजस्थान आणि पंजाबच्या सीमाही पाकिस्तानी हल्ल्याखाली आहेत. मिळालेल्या माहितीनुसार, जम्मूच्या आकाशात ड्रोन उडताना दिसले आहेत. काही क्षेपणास्त्रे डागल्याचे वृत्त आहे. अद्याप याची अधिकृत पुष्टी झालेली नाही.

पाकिस्तानने केवळ जम्मू-काश्मीरच नाही तर राजस्थान आणि पंजाबच्या सीमेवरही हल्ला केल्याची माहिती येत आहे. राजस्थानच्या जैसलमेर परिसरात देखील हल्ला केल्याचं सांगण्यात येत आहे.

राजस्थानच्या जैसलमेर परिसरात हायअलर्ट जारी :

– राजस्थानमधील जैसलमेर आणि बिकानेरमध्येही वीजपुरवठा खंडित झाला आहे.

– बिकानेरमध्ये ब्लॅकआउट करण्यात आले.

– नल परिसरातही ब्लॅकआउट लागू करण्यात आला.

– ड्रोन उडवण्यावर निर्बंध लादले.

– खबरदारीचा उपाय म्हणून ब्लॅकआउट करण्यात आले.

– पोलीसही सतर्क आहेत आणि परिसरात गस्त घालत आहेत.

– जैसलमेरमध्ये स्फोटांचे आवाज ऐकू आले.

– सकाळी ९ वाजण्याच्या सुमारास हनुमान सर्कलजवळ स्फोटांचे सतत आवाज ऐकू आले.

– सुमारे ८ ते १० सतत स्फोटांचे आवाज येत होते, काही लोक ड्रोन पाहिल्याचेही सांगत आहेत.