pakistan – कराचीमध्ये शुक्रवारी एक इमारत कोसळून झालेल्या दुर्घटनेत मरण पावणाऱ्यांची संख्या आता वाढून १९ झाली आहे. शुक्रवारी लियारीच्या बगदादी भागातील पाच मजली इमारत कोसळली. कराचीच्या जुन्या भागातील जीर्ण इमारतींच्या यादीत ही इमारत होती. एकूण २२ जुन्या इमारती होत्या. त्यापैकी १६ इमारती अधिकाऱ्यांनी रिकाम्या केल्या होत्या. पण सहा इमारतींमधील रहिवासी तेथून बाहेर पडू इच्छित नव्हते, असे अधिकाऱ्यांनी सांगितले. ल्यारी हे कराचीतील सर्वात जास्त गर्दी असलेल्या सखल आणि कमी उत्पन्न असलेल्या भागांपैकी एक आहे. प्रांतीय सरकारने जुन्या कराची भागातील सुमारे ५७० इमारती धोकादायक म्हणून घोषित केल्या आहेत आणि रहिवाशांना त्या रिकामी करण्यास सांगितले आहे.
