Pahalgam Terror Attack । जम्मू आणि काश्मीरमधील पहलगाम याठिकाणी झालेल्या दहशतवादी हल्ल्याला दोन महिन्यांहून अधिक काळ उलटून गेला आहे. यानंतर आता काँग्रेसने केंद्रातील मोदी सरकारवर निशाणा साधला आहे. २२ एप्रिल रोजी पहलगाममध्ये झालेल्या दहशतवादी हल्ल्याच्या तपासात मोठी चूक झाली आहे का? असा प्रश्न विचारला आहे. पक्षाने त्यांच्या अधिकृत सोशल मीडियावर पोस्ट करत लिहिले आहे की, ‘पहलगाम दहशतवादी हल्ल्याच्या तपासात मोठी चूक? पहलगाम हल्ल्यानंतर लगेचच मोदी सरकारने घाईघाईने तीन कथित दहशतवाद्यांचे रेखाचित्र जारी केले. परंतु आता, एका इंग्रजी वर्तमानपत्राच्या वृत्तानुसार, त्या रेखाचित्रांमधील कोणीही या हल्ल्यात सहभागी नव्हते.’ एका इंग्रजी वर्तमानपत्राने दिलेल्या माहितीनुसार, “पहलगाम हल्ला करणाऱ्या दहशतवाद्यांना आश्रय दिल्याच्या आरोपाखाली दोन काश्मिरी स्थानिकांना अटक करण्यात आल्यानंतर राष्ट्रीय तपास यंत्रणेने या निष्कर्षापर्यंत पोहोचले आहे की तिन्ही हल्लेखोर पाकिस्तानचे होते. पहलगाम हल्ल्याच्या दोन दिवसांनंतर, जम्मू आणि काश्मीर पोलिसांनी तीन रेखाचित्रे जारी केली होती. त्यात पाकिस्तानी नागरिक हाशिम मुसा आणि अली भाई उर्फ तल्हा आणि काश्मीरमधील रहिवासी आदिल हुसेन ठोकर यांचा समावेश होता. केंद्रीय यंत्रणांमधील सूत्रांचे म्हणणे आहे की स्केचमध्ये दिसणारे तीन लोक पहलगामचे हल्लेखोर नाहीत. काँग्रेस पक्षाने अनेक प्रश्न विचारले Pahalgam Terror Attack । काँग्रेस पक्षाच्या पोस्टमध्ये म्हटले आहे की, ‘खरं तर हे स्केच जुनैद नावाच्या दहशतवाद्याच्या फोनमधून मिळालेल्या फोटोवर आधारित होते, जो हल्ल्याच्या काही महिने आधी ४ डिसेंबर २०२४ रोजी मारला गेला होता.’ काँग्रेस पक्षाने प्रश्न उपस्थित केला की, ‘क्रूर दहशतवादी हल्ल्याच्या तपासात इतकी निष्काळजीपणा का? हे बनावट स्केच मोदी सरकारच्या हेडलाइन व्यवस्थापन धोरणाचा भाग होते का – प्रत्यक्ष कृतीपेक्षा दाखवण्याबद्दल अधिक.’ खरे हल्लेखोर कोण होते – काँग्रेस Pahalgam Terror Attack । काँग्रेस पक्षाने पुढे म्हटले आहे की, ‘योग्य पडताळणीशिवाय हे रेखाचित्र कसे प्रसिद्ध करण्यात आले? घाईघाईने कारवाई करण्यासाठी पोलिसांवर बाह्य दबाव होता का? सर्वात महत्त्वाचे म्हणजे – खरे हल्लेखोर कोण होते? ते आता कुठे आहेत? आणि दोन महिन्यांनंतरही त्यांना न्याय का मिळाला नाही? पहलगाम हल्ल्याला दोन महिने झाले आहेत आणि देश अजूनही उत्तरे मागत आहे. हेही वाचा गुजरातमधील ‘आप’च्या विजयावर संजय सिंह यांची पहिली प्रतिक्रिया ; म्हणाले,’अरविंद केजरीवाल…’
