Pahalgam Accident:  जम्मू आणि काश्मीरमधील पहलगाममध्ये गुजरातहून आलेल्या पर्यटकांना घेऊन जाणारे एक वाहन दरीत कोसळल्याने मोठा अपघात झाला. या अपघातात एका जोडप्याचा मृत्यू झाला, तर चालक जखमी झाला असून त्याला उपचारासाठी दाखल करण्यात आले आहे. अपघाताची माहिती मिळताच पोलीस आणि बचाव पथके घटनास्थळी दाखल झाली आणि त्यांनी मदत व बचाव कार्य सुरू केले.

पर्यटकांची ओळख पटल्यानंतर त्यांच्या कुटुंबीयांना माहिती देण्यात आली आहे. पोलिसांनी मृतदेह शवविच्छेदनासाठी शवागारात ठेवले आहेत. या प्रकरणाची चौकशी करण्याचे आदेश देण्यात आले आहेत. कुटुंबीय रविवार संध्याकाळपर्यंत पोहोचण्याची शक्यता आहे.

पहलगाम ते आरू या प्रवासादरम्यान हा अपघात Pahalgam Accident: 

समोर आलेल्या  माहितीनुसार, गुजरातचे रहिवासी अशोक भाई आणि त्यांची पत्नी नैना, जे काश्मीरला भेट देण्यासाठी आले होते, त्यांची गाडी शनिवारी मंडलनजवळ रस्त्यावरून घसरून एका खोल दरीत कोसळली.

अशोक आणि नैना यांचा मृत्यू झाला, तर पहलगामचे रहिवासी रईस अहमद भट्ट गंभीर जखमी झाले आहेत. त्यांना उपचारासाठी जीएमसी अनंतनाग येथे दाखल करण्यात आले आहे. चालकाचे वाहनावरील नियंत्रण सुटल्याने हा अपघात झाल्याचे मानले जात आहे.

अपघाताचा तपास सुरू   Pahalgam Accident: 
पोलिस अधिकाऱ्यांनी सांगितले की, जेके२१ए-०३७९ क्रमांकाचे वाहन पहलगामहून अरूकडे पर्यटकांना घेऊन जात असताना अचानक घसरून खोल दरीत कोसळले, ज्यामुळे हा अपघात झाला. मृतांची ओळख पटल्यानंतर, पोलिसांनी गुजरात पोलीस आणि कुटुंबीयांना माहिती दिली आणि मृतदेह शवागारात ठेवले.

पोलीसही घटनास्थळी दाखल झाले असून त्यांनी अपघाताचा तपास सुरू केला आहे. त्यांनी वाहनचालकांना अशा रस्त्यांवर सावधगिरीने वाहन चालवण्याचे आवाहन केले आहे. खोऱ्यात असे अपघात वारंवार घडतात, तरीही स्थानिक प्रशासन अशा घटना टाळण्यासाठी कोणतीही खबरदारी घेत नाही.