नवी दिल्ली – मणिपुर मधील स्थितीचा प्रत्यक्ष जागेवर जाऊन आढावा घेण्यासाठी गेलेल्या विरोधी पक्षांच्या खासदारांच्या शिष्टमंडळाने आज इंडिया आघाडीच्या नेत्यांना आज या दौऱ्यातील अनुभवाची माहिती दिली.

संसद भवनाच्या आवारात ही बैठक झाली. त्यावेळी त्यांनी मणिपुरातील स्थितीचा अहवाल या नेत्यांना सादर केला.मणिपुरात स्थिती गंभीर आहे असे अधीर रंजन चौधरी यांनी यावेळी नमूद केले. सत्ताधारी पक्षाच्या खासदारांपैकी कोणीही तिथे जाऊन परिस्थिती पाहिली तर ते आकस्मिक विधाने करणार नाहीत,असेही ते म्हणाले.

21 विरोधी खासदारांचे शिष्टमंडळ गेल्या शनिवारी आणि रविवारी मणिपूरला गेले होते त्यावेळी त्यांनी मदत शिबिरांना भेट दिली आणि हिंसाचारामुळे प्रभावित झालेल्या लोकांची भेट घेतली.

या बैठकीला कॉंग्रेस संसदीय पक्षाच्या अध्यक्षा सोनिया गांधी आणि कॉंग्रेस प्रमुख मल्लिकार्जुन खर्गे यांच्यासह विविध भारतीय गटातील पक्षांचे नेते उपस्थित होते.