मुंबई – ‘ओपेनहायमर’ या चित्रपटातील अडल्ट सीन दरम्यान भगवत गीतेचा मजकूर बोलतानाचा सिन शूट करण्यात आला आहे. ही बाब समोर येताच हा वाद आणखी वाढला आहे. सोशल मीडियावर याबाबत अनेकांनी आक्षेप नोंदवल्यानंतर प्रसिद्ध दिग्दर्शक राम गोपाल वर्मा यांनी देखील याबाबत भाष्य केलं आहे.

There is no historical evidence that J Robert #Oppenheimer used to receive Bhagvad Geeta Paath lessons from his sex-partners during sex.

Woke Hollywood has no reason to give any more value to Geeta than a petty prop.

But why is Bharat so comfortable with this? pic.twitter.com/OTcmkUkwbI

— Gems of Bollywood बॉलीवुड के रत्न (@GemsOfBollywood) July 21, 2023

क्रीस्तोफर नोलनचा चित्रपट ‘ओपेनहायमर’ 21 जुलै रोजी भारतासह जगभरातील चित्रपटगृहात प्रदर्शित झाला. या बहुचर्चित चित्रपटाची घोषणा झाल्यापासून, चाहते रुपेरी पडद्यावर ही कथा पाहण्यासाठी उत्सुक होते. मात्र भारतात चित्रपट प्रदर्शित होताच काही दृश्यांवर अनेकांनी आक्षेप घ्यायला सुरुवात केली.या चित्रपटामुळे धार्मिक भावना दुखावल्या जात असल्याचे देखील अनेकांनी म्हंटले आहे. यावरून राम गोपाल वर्मा यांनी केलेले ट्विट चांगलेच चर्चेत आले आहे.

चित्रपटातील सर्वाधिक टीका झालेल्या दृश्यावर राम गोपाल वर्मा म्हणाले, “विडंबना अशी आहे की ओपेनहाइमर या अमेरिकन अणुशास्त्रज्ञाने भगवद गीता वाचली आहे, जी 0.0000001 टक्के भारतीय वाचतात याबद्दल मला शंका आहे.”

अनुराग ठाकूर यांनी देखील घेतली दखल
केंद्रीय माहिती आणि प्रसारण मंत्री अनुराग ठाकूर यांनी हा सीन तातडीने चित्रपटातून काढून टाकण्याच्या सूचनाही दिल्या असल्याचे देखील समजते. या वादानंतरही हा चित्रपट जगभरात बऱ्यापैकी कमाई करण्यात व्यस्त असून प्रेक्षकांना हा चित्रपट खूप आवडला आहे. मात्र सोशल मीडियावर या विरोधात अनेकांनी नाराजी व्यक्त करायला सुरुवात केली आहे. अनुराग ठाकूर यांनी या सिनबाबत सेन्सॉर बोर्डाला खडसावल्यानंतर आता या सीनला कात्री लागण्याची शक्यता आहे.