War2 | Kiara Advani Bikini । Ram Gopal Varma : 2019 मध्ये रिलीज झालेल्या ‘वॅार’ या चित्रपटाने बॉलिवूड इंडस्ट्रीत धूमाकूळ घातला होता. या चित्रपटात हृतिक रोशन आणि टायगर श्रॅाफ यांनी आपल्या दमदार अभिनय आणि अॅक्शनमुळे प्रेक्षकांच्या मनावर अधिराज्य गाजवले. चित्रपटात दाखविण्यात आलल्या अॅक्शन सीन्सचे मोठ्या प्रमाणावर कौतुक करण्यात आले. यानंतर चित्रपटाच्या मेकर्सनी ‘वॅार 2’ ची घोषणा करून चाहत्यांमध्ये चित्रपटाच्या पुढच्या भागाविषयी उत्सुकता निर्माण केली होती.

अखेर प्रतीक्षा संपली असून ‘वॅार 2’ चा खतरनाक टीझर रिलीज झाला आहे. 14 अॅागस्ट हा चित्रपट थिएटर्समध्ये रिलीज करण्यात येणार आहे. नुकतंच या सिनेमाचा टिझर प्रदर्शित झाला असून, सगळीकडे मोठा धुमाकूळ झाला आहे.

‘वॉर 2’ या बहुप्रतिक्षित चित्रपटाद्वारे दाक्षिणात्य सुपरस्टार ज्युनियर एनटीआर बॉलिवूडमध्ये पदार्पण करत आहे. तर हृतिक पुन्हा एकदा कबीर या पात्रातून प्रेक्षकांच्या भेटीला येणार आहे. सिनेमाच्या टीझरमध्ये कियाराची फक्त एक झलक दिसली.

पण फक्त एका नजरेने, कियाराने संपूर्ण लाइमलाइट चोरली आहे. या चित्रपटात कियाराचा अतिशय ग्लॅमरस लूक पाहायला मिळणार आहे. टीझरमध्ये ती बिकिनी बोल्ड लूकमध्ये दिसली. पहिल्यांदाच कियाराने बिकिनी शॉट्स दिले आहेत. तिने पॅरट ग्रीन रंगाच्या बिकिनीमध्ये हॉट लूक दिला.

कियाराचे कुरळे केस या लूकमध्ये दिसत आहेत. कियाराने या लूकमध्ये अतिशय हलका मेकअप केला. कियाराचे फोटो आणि व्हिडिओ सोशल मीडियावर सर्वत्र व्हायरल होत आहेत. दरम्यान, अभिनेत्रीच्या या बिकिनी लूकवर घाणेरडी कमेंट करण्यात आली आहे. विशेष म्हणजेज ही कमेंट बॉलिवूड दिग्दर्शक राम गोपाल वर्मा यांनी केली आहे.

राम गोपाल वर्मा यांनी ट्विटरवर कियाराचा बिकिनी लूकमधील फोटो शेअर करत कमेंट केली होती. मात्र, नेटकऱ्यांच्या निशाण्यावर आल्यानं दिग्दर्शकाने ट्विट डिलीट केलं. या पोस्टसाठी सोशल मीडिया युजर्सनी त्यांच्यावर बरीच टीका केली. चाहत्यांच्या टीकेमुळे दिग्दर्शकाला त्याची पोस्ट डिलीट करावी लागली.

मात्र, राम गोपाल वर्माच्या पोस्टचे स्क्रीनशॉट सोशल मीडियावर व्हायरल झाले. अनेक युजर्सने त्यांच्यावर टीका केली आणि थेट स्वतःच्या वयाचा विचार करण्यास सांगितलं. त्याचबरोबर, काहींनी त्याच्या मानसिक स्थितीवर थेट प्रश्न उपस्थित केले. एका युजरने लिहिलं की, ‘कल्पना करा की जो माणूस या गोष्टी सार्वजनिकरित्या लिहू शकतो तो त्याच्या खाजगी आयुष्यात काय विचार करत असेल.’

आणखी एका युजरने लिहिलं की, ‘याचं डोकं किडलंय!’ राम गोपाल वर्मा यांनी त्यांची पोस्ट डिलीट केली असेल, पण त्यांनी माफी मागावी असं युजर्स म्हणत आहेत. सध्या त्यांच्या या पोस्टचा स्क्रीनशॉट सोशल मीडियावर चांगलाच व्हायरल होताना दिसत आहे.

दरम्यान, कियारा अडवाणी लवकरच आई होणार आहे. सध्या ती तिच्या गर्भधारणेचा आनंद घेत आहे. ती नुकतीच मेट गालालाही गेली होती. मेट गालामध्ये कियाराचा हा पहिलाच कार्यक्रम होता. तिने मेट गालामध्ये तिच्या बेबी बंपचे फोटो शेअर केले. यादरम्यान कियाराचा पती सिद्धार्थ मल्होत्राही तिच्यासोबत होता.