Opinion Polls 2026: आसामध्ये BJP आघाडीवर, बंगालमध्ये चुरशीची लढत; केरळ-तमिळनाडूत रंजक चित्र

Opinion Polls 2026: देशातील पाच महत्त्वाच्या राज्यांच्या विधानसभा निवडणुकांपूर्वी आलेल्या ताज्या ओपिनियन पोलमुळे (Opinion Polls) राजकीय वातावरण तापले आहे. 9 एप्रिल रोजी आसाम, केरळ आणि पुडुचेरी येथे मतदान होणार आहे. तर तमिळनाडूत 23 एप्रिल आणि पश्चिम बंगालमध्ये 23 व 29 एप्रिल रोजी दोन टप्प्यात मतदान होणार आहे. या पार्श्वभूमीवर विविध सर्वेक्षणांनी धक्कादायक अंदाज व्यक्त केले आहेत.

आसाम: BJP पुन्हा सत्तेत? Opinion Polls 2026 चाणक्य स्ट्रेटेजीच्या सर्वेनुसार आसाममध्ये भारतीय जनता पक्ष आणि काँग्रेसमध्ये चुरशीची लढत असली तरी BJP आघाडीवर आहे. येथे विधानसभेच्या एकूण 126 जागा असून बहुमतासाठी 64 जागा जिंकणे आवश्यक आहे. सर्वेक्षणानुसार कोणत्या पक्षाला किती जागा मिळतील याचा अंदाज सांगण्यात आला आहे. त्यानुसार….

BJP: 83 ते 90 जागा काँग्रेस: 30 ते 36 जागा इतर: 3 ते 6 जागा

वोट शेअरमध्ये BJP ला 45-48% तर काँग्रेसला 39-44% मते मिळण्याचा अंदाज आहे. या निकालांनुसार BJP आघाडी पुन्हा सत्ता स्थापन करू शकते.

केरळ: UDF ला आघाडी, BJP मागे – Opinion Polls 2026 Matrize ओपिनियन पोलनुसार केरळमध्ये काँग्रेसच्या नेतृत्वाखालील UDF ला आघाडी मिळताना दिसते.

UDF: 67 ते 73 जागा LDF: 62 ते 68 जागा BJP: 5 ते 8 जागा इतर: 3 जागा

140 सदस्यीय केरळ विधानसभेत बहुमतासाठी 71 जागांची गरज आहे. त्यामुळे केरळमध्ये सत्तांतराची शक्यता व्यक्त केली जात आहे.

पश्चिम बंगाल: TMC vs BJP थरारक लढत-

पश्चिम बंगालमध्ये यंदा अत्यंत चुरशीची लढत अपेक्षित आहे.

BJP: 140 ते 160 जागा TMC: 130 ते 150 जागा इतर: 8 ते 16 जागा

वोट शेअरमध्ये TMC ला 43% आणि BJP ला 41% मते मिळण्याचा अंदाज आहे. एकूण 294 जागांपैकी कोणालाही स्पष्ट बहुमत मिळेल की नाही, याबाबत अनिश्चितता कायम आहे. मात्र TMC पुन्हा सत्तेत येऊ शकते, असा अंदाज आहे. 148 जागा बहुमतासाठी आवश्यक आहेत. Opinion Polls 2026

तमिळनाडू: NDA ला बहुमताची शक्यता

तमिळनाडूत NDA आघाडीला बहुमत मिळण्याची शक्यता व्यक्त करण्यात आली आहे.

NDA: 107 ते 120 जागा DMK आघाडी: 102 ते 115 जागा TVK: 5 ते 12 जागा इतर: 1 ते 6 जागा

234 जागांच्या विधानसभेसाठी 118 जागा बहुमतासाठी महत्वाच्या आहेत. येथे 23 एप्रिल रोजी मतदान होणार आहे. या सर्वेनुसार DMK आघाडीला फटका बसू शकतो.

एकंदरीत, आसाममध्ये BJP मजबूत दिसत असताना केरळमध्ये UDF, तमिळनाडूत NDA आणि पश्चिम बंगालमध्ये BJP-TMC यांच्यात जोरदार टक्कर पाहायला मिळत आहे. निवडणूक निकाल काय येतात, याकडे देशाचे लक्ष लागले आहे.