न्यूयॉर्क : ChatGPT तयार करणाऱ्या OpenAI कंपनीचे मुख्य कार्यकारी अधिकारी सॅम ऑल्टमन यांच्यावर त्यांच्याच बहिणीने लैंगिक शोषणाचा आरोप केला आहे. ॲनी ऑल्टमन असे त्यांच्या बहिणीचे नाव आहे. धक्कादायक म्हणजे सॅम यांनी 1997 ते 2006 अशी 9 वर्षे लैंगिक छळ केल्याचे ॲनीने सांगितले आहे. या प्रकरणी अमेरिकेतील मिसुरी या ठिकाणी खटला दाखल करण्यात आला आहे.

अ‍ॅनीने काय म्हंटले तक्रारीत ?
अ‍ॅनी 3 वर्षांची आणि सॅम 12 वर्षांचा असताना हा छळ सुरू झाला होता. मिसुरी येथील त्यांच्या घरी हा प्रकार घडला ज्याचा मानसिक त्रास आयुष्यभर सहन करावा लागल्याचे तिने असे तक्रारीत म्हटले आहे. सॅम ऑल्टमन यांच्या विरोधात दाखल झालेला पहिला खटला आहे. पण याआधी अ‍ॅनीने सोशल मीडियाच्या माध्यमातून अशाच प्रकारचे आरोप केले होते. 2021 मध्ये तिने एक्सवर पोस्ट करून तिच्या सख्ख्या भावांकडून विशेषतः सॅमकडून लैंगिक, शारीरिक, मानसिक आणि तंत्रज्ञानाचा गैरवापर झाल्याचा आरोप केला होता.

तसेच तिने आपल्या तक्रारीत मानसिक आरोग्यावर गंभीर परिणाम झाल्याचे म्हटले आहे. ज्यामध्ये PTSD, नैराश्य आणि जीवनातील आनंद गमावणे अशा गोष्टींचा समावेश आहे. तिने या प्रकरणाची ज्यूरीमार्फत सुनावणीची आणि तसेच 75,000 डॉलर्सपेक्षा अधिक नुकसान भरपाई देण्याची मागणी केली आहे.

कुटुंबीयांनी दिली ‘ही’ प्रतिक्रिया
दरम्यान अ‍ॅनीने केलेल्या या आरोपानंतर सॅम ऑल्टमन आणि त्यांच्या कुटुंबीयांनी एका निवेदनाद्वारे हे सर्व आरोप फेटाळून लावले आहेत. आमच्या कुटुंबाविषयी विशेषतः सॅमविषयी केलेले आरोप खोटे आहेत.तिच्या गोपनीयतेचा आदर करण्यासाठी आम्ही यावर सार्वजनिकरित्या उत्तर दिले नव्हते. आता कायदेशील कारवाई केल्याने आम्ही यावर भाष्य केल्याचे कुटुंबीयांनी आपल्या तक्रारीत म्हंटले आहे.