One Nation, One Election Bill – वन नेशन, वन इलेक्शनच्या संदर्भात केंद्र सरकार मोठे पाऊल उचलू शकते असे संकेत मिळत आहेत. संसदेच्या या अधिवेशनात याबाबतचे विधेयक मांडले जाण्याची शक्यता आहे. हिवाळी अधिवेशनातच वन नेशन वन इलेक्शन विधेयक संसदेत मांडले जाणार आहे.

सूत्रांकडून मिळालेल्या माहितीनुसार, सरकारने यासाठी तयारी सुरू केली आहे. वन नेशन वन इलेक्शनबाबत माजी राष्ट्रपती रामनाथ कोविंद समितीच्या अहवालाला मंत्रिमंडळाने यापूर्वीच मंजुरी दिली आहे. सरकारला आता या विधेयकावर एकमत घडवायचे आहे.

सूत्रांच्या हवाल्याने एका वाहिनीने दिलेल्या बातमीत म्हटले आहे की, सरकारला आता या विधेयकावर एकमत घडवायचे आहे. यासह विधेयक सर्वसमावेशक चर्चेसाठी संयुक्त संसदीय समिती किंवा जेपीसीकडे पाठविले जाऊ शकते.

जेपीसी सर्व राजकीय पक्षांच्या प्रतिनिधींशी चर्चा करेल. या प्रक्रियेत इतर भागधारकांचाही समावेश करण्याची तयारी सुरू आहे. यासाठी देशभरातील सर्व विचारवंतांना तसेच सर्व राज्यांच्या विधानसभा अध्यक्षांना बोलावले जाण्याचीही शक्यता असन सर्वसामान्य नागरिकांचे मतही जाणून घेण्याचा प्रयत्न केला जाऊ शकतो.