San Marino at Tokyo Olympics 2020 : पॅरिस ऑलिम्पिक 2024 ही स्पर्धा 26 जुलैपासून सुरू होत आहे. आता यासाठी दोन दिवसांपेक्षा कमी कालावधी शिल्लक आहे. अशा परिस्थितीत प्रत्येक ॲथलेटिक्सप्रेमी ऑलिम्पिकच्या इतिहासावर संशोधन करण्यात व्यस्त आहे. यापैकी एक अद्भुत इतिहास टोकियो ऑलिम्पिक 2020 मध्ये लिहिला गेला. जेथे देशाची लोकसंख्या भारतातील एखाद्या शहरापेक्षा कमी आहे. त्या देशाने टोकियो ऑलिम्पिकमध्ये पाच खेळाडू पाठवले आणि तीन खेळाडू पदके जिंकण्यात यशस्वी ठरले होते. या देशाचे नाव सॅन मारिनो आहे.

सॅन मारिनोने टोकियो ऑलिम्पिक 2020 मध्ये केवळ 5 खेळाडूंसह 3 पदके जिंकून इतिहास रचला. जागतिक बँक 2022 नुसार 33,660 लोकसंख्या असलेल्या या छोट्या देशाने 29 जुलै रोजी पहिले ऑलिम्पिक पदक जिंकले, जेव्हा अलेसेन्ड्रा पेरिलीने महिला ट्रॅप स्पर्धेत कांस्यपदक जिंकले. यानंतर 31 जुलै रोजी पेरिली आणि जियान मार्को बर्टी या जोडीने नेमबाजीच्या मिश्र सांघिक ट्रॅप स्पर्धेत रौप्य पदक जिंकले. त्यानंतर 5 ऑगस्ट रोजी माइल्स अमिनेने भारताच्या दीपक पुनियाचा पराभव करून कुस्तीमध्ये कांस्यपदक जिंकले होते.

सॅन मारिनोने ऑलिम्पिकमध्ये पदक जिंकण्याचा प्रयत्न करण्याची ही पहिलीच वेळ नव्हती. 1960 मध्ये पहिल्यांदा ऑलिम्पिकमध्ये सहभागी झालेल्या या देशाने 2012 च्या लंडन ऑलिम्पिकमध्येही पदक जिंकण्याची संधी गमावली होती, जेव्हा एलेसेंड्रा पेरिली महिलांच्या  नेमबाजीच्या ट्रॅप स्पर्धेमध्ये चौथ्या स्थानावर राहिली होती.

Paris Olympics 2024 : पॅरिस ऑलिम्पिकवर कोरोनाचे सावट, ‘या’ देशाचे दोन खेळाडू सापडले Covid-19 पॉझिटिव्ह…

सॅन मारिनो

लोकसंख्या : जागतिक बँक 2022 नुसार 33,660
पहिले ऑलिम्पिक पदक : टोकियो 2020 ऑलिंपिक
एकूण पदके : 3 (1 रौप्य, 2 कांस्य)
खेळाडू : ॲलेसेन्ड्रा पेरिली (नेमबाजी), जियान मार्को बर्टी (नेमबाजी), माइल्स अमाइन (कुस्ती)