Chala Hawa Yeu Dya 2 : झी मराठी वाहिनीवरील अत्यंत लोकप्रिय ठरलेल्या चला हवा येऊ द्या शोचा पुढचा भाग म्हणजेच चला हवा येऊ द्या २ लवकरच प्रेक्षकांच्या भेटीला येणार आहे. या कॅामेडी शोचा मोठा चाहतावर्ग असून, नुकताच चला हवा येऊ २ कार्यक्रमाचा एक खास प्रोमो समोर आला आहे. या प्रोमोत जुने कलाकार दिसत असून, एका नव्या कलाकाराची धमाकेदार एन्ट्री या प्रोमोमध्ये पाहायला मिळत आहे.

चाहते या कार्यक्रमासाठी खूप उत्सुक आहेत. लहानांपासून मोठ्यापर्यंत अनेकांचा ‘चला हवा येऊ द्या’ आवडता कार्यक्रम आहे. ‘चला हवा येऊ द्या 2’मध्ये खास व्हिडीओत कॉमेडीच्या किंगची धमाकेदार एन्ट्री पाहायला मिळणार आहे. लाल रंगाचा सूट, वाढवलेले केस- दाढीमध्ये हा अभिनेता दिसत आहे. त्याच्या हातात बंदूक देखील पाहायला मिळते. हा अभिनेता दुसरा कुणी नसून प्रियदर्शन जाधव आहे. त्याचा या व्हिडीओतील लूक सर्वांचे लक्ष वेधून घेतले आहे.

 

View this post on Instagram

 

A post shared by Zee Marathi (@zeemarathiofficial)

“खबर आहे गावागावात, कॅामेडीचा डॅान परत येतोय थाटात! कॉमेडीचं गॅंगवार आता सुरू होणार…” असे हटके कॅप्शन या व्हिडीओला देण्यात आले आहे. अभिनेता प्रियदर्शन जाधवचे विनोद आणि डायलॉगचे चाहते दिवाने आहेत. त्याने मराठीतील चित्रपटांमध्ये काम केले असून, दिग्दर्शकाची भूमिकाही वटवली आहे. आता ‘चला हवा येऊ द्या 2’ या कॅामेडी शोमध्ये अभिनेता प्रियदर्शन दिसणार आहे. या शोसाठी ऑडिशन सुरू असून, या शोमध्ये श्रेया बुगडे, कुशल बद्रिके आणि भरत गणेशपुरे पाहायला मिळणार आहेत.

तसेच शोचे सूत्रसंचालन मराठी अभिनेता अभिजीत खांडेकर करणार आहे. हा कॅामेडी शो पाहण्यासाठी चाहते आतुर झाले असून, २६ जुलैपासून झी मराठी या वाहिनीवर हा कॅामेडी शो शनिवारी आणि रविवारी रात्री साडेनऊ वाजता दाखविला जाणार आहे.

हेही वाचा : दोस्त बना दुश्मन ! एलॉन मस्क अमेरिकेत तिसरा मोठा पक्ष स्थापन करणार ; आता डोनाल्ड ट्रम्पशी थेट लढाई