Omraje Nimbalkar : “उद्धव ठाकरेंना सोडल्यास लोकांशी नजर मिळवू शकणार नाही”; खासदार ओमराजेंचा जुना व्हिडीओ व्हायरल
Omraje Nimbalkar : पक्षांतराच्या चर्चांवर भाष्य करताना, “केवळ सत्ता, पैसा किंवा वैयक्तिक स्वार्थासाठी मी त्यांना सोडले, तर लोकांशी नजर मिळवू शकणार नाही,” असेही स्पष्टपणे सांगितले होते.
Omraje Nimbalkar : शिवसेना (ठाकरे) पक्षातील खासदारांच्या संभाव्य पक्षांतराच्या चर्चांना वेग आला असताना धाराशिवचे खासदार ओमराजे निंबाळकर यांचा एक जुना व्हिडीओ सोशल मीडियावर मोठ्या प्रमाणात व्हायरल होत आहे. या व्हिडीओमध्ये त्यांनी उद्धव ठाकरे यांच्याप्रती निष्ठा व्यक्त करत, केवळ स्वार्थासाठी त्यांची साथ सोडल्यास लोकांशी नजर मिळवू शकणार नाही, असे वक्तव्य केले होते. (Omraje Nimbalkar)
एबीपी माझाच्या ‘माझा कट्टा’ कार्यक्रमात ‘ऑपरेशन टायगर’ संदर्भातील चर्चेदरम्यान ओमराजे निंबाळकर यांनी आपल्या राजकीय प्रवासाचा उल्लेख केला होता. “मी कर्मावर विश्वास ठेवणारा माणूस आहे. २००९ मध्ये माझी काय परिस्थिती होती? मी ग्रामपंचायतीची निवडणूकही लढवली नव्हती. त्या वेळी बाळासाहेब ठाकरे आणि उद्धव ठाकरे यांनी मला विधानसभेची उमेदवारी दिली. त्यांच्या विश्वासामुळेच मला राजकारणात संधी मिळाली. एकदा आमदार आणि दोनदा खासदार होण्यामागे उद्धव ठाकरे यांचेच योगदान आहे,” असे त्यांनी म्हटले होते. (Omraje Nimbalkar)
यावेळी त्यांनी पक्षांतराच्या चर्चांवर भाष्य करताना, “केवळ सत्ता, पैसा किंवा वैयक्तिक स्वार्थासाठी मी त्यांना सोडले, तर लोकांशी नजर मिळवू शकणार नाही,” असेही स्पष्टपणे सांगितले होते. (Omraje Nimbalkar)
दरम्यान, शिवसेना (ठाकरे) पक्षातील काही खासदार शिंदे गटाच्या संपर्कात असल्याच्या चर्चांच्या पार्श्वभूमीवर हा व्हिडीओ पुन्हा चर्चेत आला आहे. त्यामुळे सोशल मीडियावर विविध प्रतिक्रिया उमटत असून, ओमराजे निंबाळकर यांच्या भूमिकेबाबतही प्रश्न उपस्थित केले जात आहेत. (Omraje Nimbalkar)
धाराशिवमध्ये कार्यकर्त्यांचा संताप – (Omraje Nimbalkar)
Omraje Nimbalkar : “उद्धव ठाकरेंना सोडल्यास लोकांशी नजर मिळवू शकणार नाही”; खासदार ओमराजेंचा जुना व्हिडीओ व्हायरल
ओमराजे निंबाळकर यांच्या संभाव्य पक्षांतराच्या चर्चांमुळे धाराशिवमधील ठाकरे गटाचे कार्यकर्ते आक्रमक झाले आहेत. उद्धव ठाकरे यांनी ओमराजेंना एकदा आमदार आणि दोनदा खासदार होण्याची संधी दिली असून, त्यांनी पक्ष सोडल्यास ती कार्यकर्त्यांसाठी वेदनादायी बाब ठरेल, अशी भावना कार्यकर्त्यांनी व्यक्त केली.
शिवसेना (ठाकरे)चे उपशहरप्रमुख बंडू आदरकर आणि सुरेश गवळी यांनी पक्षाशी गद्दारी सहन केली जाणार नसल्याचा इशारा दिला. धाराशिव हा शिवसेनेचा बालेकिल्ला असल्याचे सांगत त्यांनी नाराजी व्यक्त केली.
चर्चेत असलेले ठाकरे गटाचे खासदार – (Omraje Nimbalkar)
पक्षांतराच्या चर्चांमध्ये खालील खासदारांची नावे पुढे येत आहेत :
1 संजय जाधव (परभणी)
2 संजय देशमुख (यवतमाळ-वासीम)
3 नागेश पाटील आष्टीकर (हिंगोली)
4 ओमराजे निंबाळकर (धाराशिव)
5 भाऊसाहेब वाकचौरे (शिर्डी)
6 संजय दिना पाटील (ईशान्य मुंबई)
