Arvind Sawant :  सध्या ऑपरेशन टायगरची चर्चा सुरू असताना उद्धव बाळासाहेब ठाकरे पक्षाचे खासदार हे उद्धव ठाकरे वेळ देत नाही म्हणून नाराज आहे का असा प्रश्न एका पत्रकाराने विचारल्यावर उबाठा खासदार अरविंद सावंत पत्रकारावर भडकले.

जे खासदार पक्ष सोडून जात आहेत. ते उद्धव ठाकरे हे त्यांना वेळ देत नाहीत असा आरोप करत असल्याचा प्रश्न पत्रकार परिषदेत विचारण्यात आला. हा प्रश्न समोर येताच अनिल देसाई, संजय राऊत आणि अरविंद सावंत यांनी ही माहिती तुम्हाला कुणी दिली अशी विचारणा केली. तर खासदार अरविंद सावंत हे प्रश्नकर्त्यावरच भडकले.

त्यांनी तुम्ही सुपारी घेऊन आलात का? असा उलट सवाल केला. तसेच ज्याने हा दावा केला आहे, त्या खासदाराचे नाव सांगा असा आग्रह धरला. त्यानंतर या मुद्दावरून एकच गदारोळ उडाला.

तुम्ही काय कॉन्ट्रॅक्ट घेतलं का?  (Arvind Sawant)

पत्रकाराने विचारलेल्या प्रश्नानंतर अरविंद सावंत, संजय राऊत आणि अनिल देसाई यांनी प्रतिप्रश्न केला. कोणता खासदार बोलला याचं नाव सांगा. तुम्ही काय कॉन्ट्रॅक्ट घेतलं का? मी तुमच्यावर आरोप करतो. तुम्ही कोणाचा कॉन्ट्रॅक्ट घेतला का, ज्याने असं बोलला त्या खासदाराचं नाव घ्या. तुम्ही नाव घेतलं तर आम्ही बोलणार नाही तर नाही बोलणार. तुमचं चॅनल काय आहे आम्हाला माहिती आहे, असे म्हणत त्या पत्रकारावर आगपाखड केली.

 

अरविंद सावंत यांचा अवतार पाहून काही क्षणातच ही पत्रकार परिषद गुंडाळली गेली. यापूर्वी उद्धव ठाकरेंच्या लोकसभेतील ९ खासदारांपैकी केवळ तीन खासदार अरविंद सावंत, अनिल देसाई आणि नाशिकचे खासदार राजाभाऊ वाजे उपस्थित होते.  (Arvind Sawant)

या पत्रकार परिषदेत संजय राऊत यांनी भारतीय लोकशाहीवर पुन्हा आघात झाल्याचे म्हटले आहे. उद्या लोकसभेतील पक्षाच्या कार्यालयात एक बैठक बोलावली असून त्या बैठकीला उर्वरित ६ खासदारांना बोलावले असल्याचे आणि या संदर्भात व्हिप जारी केल्याचेही अरविंद सावंत यांनी सांगितले आहे.  Arvind Sawant 

Alpha trailer : अखेर ALPHA मध्ये शर्वरीची झलक दिसली पण..; ट्रेलर प्रेक्षकांच्या भेटीला, शेवटी दिसणार ‘ती’ व्यक्ती कोण?