New SIM Card Rules To Be Followed In India From 1 December 2023 : उद्यापासून म्हणजेच 1 डिसेंबरपासून सरकार सिमकार्ड खरेदीच्या नियमात बदल करणार आहे. हे नियम आधी 1 ऑक्‍टोबर 2023 पासून लागू केले जाणार होते, परंतु सरकारने त्यात दोन महिन्यांची मुदतवाढ केली होती आणि आता 1 डिसेंबरपासून ते लागू करण्याची तयारी केली आहे. जर तुम्ही सिम डीलर किंवा सिम कार्ड खरेदी करणार असाल तर तुम्हाला या नियमांची संपूर्ण माहिती असली पाहिजे. जर तुम्हाला हे नियम माहित नसतील तर तुम्ही नंतर अडचणीत येऊ शकता.

सिम डीलर्सची होणार पडताळणी…

नवीन नियमानुसार, सिम विकणाऱ्या डीलर्सना त्यांचे पोलिस व्हेरिफिकेशन आणि बायोमेट्रिक व्हेरिफिकेशन करावे लागणार आहे. याशिवाय सिम विकण्यासाठी नोंदणीही आवश्यक असेल. व्यापाऱ्यांच्या पोलिस पडताळणीची संपूर्ण जबाबदारी टेलिकॉम ऑपरेटरची असेल. या नियमांकडे दुर्लक्ष करून कोणी सिम विकल्यास त्याच्यावर 10 लाख रुपयांचा दंड आकारला जाईल. शासनाने व्यापाऱ्यांना पडताळणीसाठी 12 महिन्यांची मुदत दिली आहे.

डेमोग्राफिक डेटानंतरच मिळणार सिम… 

जर एखाद्या ग्राहकाला त्याच्या जुन्या नंबरवर नवीन सिम कार्ड घ्यायचे असेल, तर त्यावर छापलेला QR कोड स्कॅन करून त्याचा डेमोग्राफिक डेटा देखील गोळा केला जाईल.

नंबर डिस्कनेक्ट करण्याचा हा असेल नियम…. 

नव्या नियमानुसार आता मोठ्या प्रमाणात सिम कार्ड जारी केले जाणार नाहीत. यासाठी सरकारने व्यवसाय जोडणीची तरतूद सुरू केली आहे. तथापि, तुम्ही पूर्वीप्रमाणेच एका ओळखपत्रावर 9 सिम कार्ड खरेदी करू शकता. याशिवाय एखाद्या व्यक्तीने आपले सिमकार्ड बंद केले तर तो क्रमांक 90 दिवसांनंतरच दुसऱ्या ग्राहकाला दिला जाईल.

Mozilla Firefox वापरत असाल तर सावधान, सरकारने जारी केला इशारा!

सरकारने 67 हजार डीलर्सवर घातली बंदी…

नव्या नियमाबाबत केंद्रीय मंत्री अश्विनी वैष्णव म्हणाले की, सायबर फ्रॉड, घोटाळा आणि फसवणूकीचे कॉल्स रोखण्याच्या उद्देशाने सरकारने सिमकार्डसाठी नवीन नियम जारी केले आहेत. त्यांनी सांगितले की, फ्रॉड कॉल्स (फसवणूक कॉल) थांबवण्यासाठी सुमारे 52 लाख कनेक्शन ब्लॉक करण्यात आले आहेत. एवढेच नाही तर सीम विकणाऱ्या 67 हजार डीलर्सवर सरकारने बंदी घातली असल्याचेही केंद्रीय मंत्री यांनी सांगितले.