New income tax rules: एक एप्रिल पासून नवा प्राप्तिकर कायदा लागू होणार आहे. हा कायदा 1962 च्या कायद्याची जागा घेणार आहे. नव्या कायद्याच्या अंमलबजावणीसाठी प्राप्तिकर नियमांचा मसुदा जारी करण्यात आला आहे. यावर सार्वजनिक चर्चेनंतर या नियमांना अंतिम स्वरूप दिले जाईल आणि एप्रिल पासून त्याची अंमलबजावणी केली जाईल. आता अधिक रकमेच्या व्यवहारासाठी पॅन कार्डची गरज लागणार आहे. प्राप्त माहितीनसार प्राप्तिकर कायद्यातील नियमांची संख्या 511 वरून 333 इतकी करण्यात आली आहे. तर फॉर्मची संख्या 399 वरून 190 इतकी कमी करण्यात आली आहे. त्यामुळे या क्षेत्रातील गुंतागुंत मोठ्या प्रमाणात कमी होण्यास मदत मिळणार आहे. नव्या नियमानुसार एखाद्या व्यक्तीने एक किंवा अनेक खात्यातून जर वार्षिक पातळीवर दहा लाख रुपयाच्या ठेवी ठेवल्या किंवा काढून घेतल्या तर त्यासाठी पॅन क्रमांक नमूद करावा लागेल. सध्या संबंधित व्यक्तीने एका दिवसात जर 50 हजार रुपयांचा व्यवहार केला तर त्याला पॅन क्रमांक नमूद करावा लागतो. हेही वाचा – बँकिंग क्षेत्रात भरभराट; 12 सरकारी बँकांचा नफा 52,603 कोटींवर दुसर्या नियमानुसार आता मोटरसायकलसह कोणतेही वाहन खरेदी करताना ते जर पाच लाख रुपयापेक्षा जास्त किमतीचे असेल तर पॅन क्रमांक नमूद करावा लागेल. छोट्या कार आणि मोटरसायकलसाठी पॅन क्रमांक लागणार नाही. जुन्या नियमात फक्त मोटारींना पॅन लागत होता. मोटरसायकलला पॅन क्रमांकाची गरज नव्हती. खाद्य पुरवठ्यासाठी जर संबंधित हॉटेलला किंवा इव्हेंट मॅनेजमेंट कंपनीला एक लाख रुपये पक्षा जास्त मोठे बिल दिले गेले असेल तर पॅन क्रमांक नमूद करावा लागेल. सध्या ही मर्यादा 50 हजार रुपये इतकी आहे. रिअल इस्टेट व्यवहारासाठी सध्या दहा लाखावरील रकमेच्या व्यवहाराला पॅन क्रमांक लागतो. तो आता 20 लाख रुपयावरील व्यवहारांना लागणार आहे. या सदर्भात अर्थ मंत्रालयाच्या सूत्रांनी सांगितले की, फक्त अर्थ मंत्रालयाला किंवा कर विभागाला आवश्यक असलेली माहितीच उपलब्ध व्हावी यासाठी व्यवहार मर्यादा वाढविण्यात आली आहे. यामुळे कमी किमतीचे व्यवहार करणार्या नागरिकांना पॅन क्रमांक द्यावा लागणार नाही आणि त्यांची गुंतागुंत कमी होईल. क्रिप्टोचा कोणताही व्यवहार करण्यासाठी कायद्याची अंमलबजावणी होणे आवश्यक आहे. त्याचबरोबर नव्या कायद्यात सेंट्रल बँक डिजिटल करन्सी म्हणजे सीबीडीसीला इलेक्ट्रॉनिक पेमेंटच्या माध्यमातून स्वीकारले जाईल. हेही वाचा : सोने-चांदीच्या दरात मोठी हालचाल; पाहा आजचे ताजे दर
