Paris Olympics 2024 (Men’s Javelin Throw) : पॅरिस ऑलिम्पिकमध्ये मंगळवार, 6 जुलै रोजी भालाफेक पात्रता फेरी खेळली गेली. यामध्ये भारताच्या नीरज चोप्राने विक्रमी थ्रो करत अंतिम फेरीत प्रवेश केला. पात्रता फेरीतील पहिल्याच थ्रोमध्ये नीरज चोप्राने 89.34 मीटर अंतर कापले. हा नीरजचा हंगामातील सर्वोत्तम थ्रो ठरला. नीरज चोप्रा हा टोकियो ऑलिम्पिक 2020 चा सुवर्णपदक विजेता आहे. भारताला त्याच्याकडून खूप अपेक्षा आहेत. नीरज हा सुवर्णपदकाचा प्रबळ दावेदार आहे. पात्रता फेरीत नीरज अव्वल ठरला आहे.

नीरजचा हा या मोसमातील सर्वोत्तम थ्रो आहे. टोकियो ऑलिम्पिकमध्ये त्याने 87.58 मीटर दूर भाला फेकून सुवर्णपदक पटकावले होते. एकूणच नीरजने त्याच्या टोकियो ऑलिम्पिकमधील विक्रम मोडीत काढला आहे. भारताचा गोल्डन बाॅय अशी ओळख असलेला भालाफेकपटू नीरज चोप्रा याने पुन्हा एकदा सुवर्ण पदकाच्या दिशेने यशस्वी पाऊल टाकल आहे. टोकियो ऑलिम्पिकमध्ये भारताला सुवर्ण पदक जिंकून देणारा नीरज चोप्रा पुन्हा एकदा सोनेरी कामगिरी करण्यासाठी सज्ज आहे. पॅरिस ऑलिम्पिक 2024 च्या अंतिम फेरीचे तिकीट मिळवण्यात त्याने यश मिळवले. तर दुसरीकडे याच स्पर्धेत भारताचा दुसरा भालाफेकपटू किशोर जेना याला भालाफेकच्या अंतिम फेरीत स्थान पटकावण्यात अपयश आले आहे. आता भालाफेकीत पदकाच्या आशा नीरज चोप्रावर आहेत.

मंगळवारी भालाफेकपटूंची पात्रता फेरी पार पडली. पॅरिस ऑलिम्पिकमध्ये, नीरज चोप्राने पात्रता फेरीत सर्वोच्च कामगिरीची नोंद केली. नीरज चोप्राने पहिल्याच प्रयत्नात 89.34 मीटर भाला फेकून अंतिम फेरीत धडक मारली. त्यामुळे तो आता सलग दुसऱ्यांदा सुवर्ण पदकाला गवसणी घालतो का याकडे तमाम भारतीयांचे लक्ष लागले आहे. अंतिम फेरीचा सामना आता गुरूवारी (8 आॅगस्ट 2024) रात्री 11.55 वाजता सुरू होईल.

नीरज चोप्राने टोकियो ऑलिम्पिकमध्ये सुवर्णपदक जिंकले होते आणि यावेळीही त्याने असे केल्यास ऑलिम्पिकमध्ये दोन सुवर्णपदके जिंकणारा तो पहिला भारतीय खेळाडू ठरेल. तसेच ॲथलेटिक्समध्ये दुसरे ऑलिम्पिक पदक जिंकणारा तो पहिला भारतीय ठरणार आहे.

पाकिस्तानचा भालाफेकपटूही ठरला पात्र…

केवळ नीरज चोप्राच नाही तर पाकिस्तानचा भालाफेकपटू अर्शद नदीम यानेही पॅरिस ऑलिम्पिकच्या पात्रता फेरीत अप्रतिम कामगिरी केली. अर्शद नदीमने 86.59 मीटर भालाफेक करून अंतिम फेरीत प्रवेश केला. आता भारत आणि पाकिस्तानचे हे दोन खेळाडू 8 ऑगस्टला होणाऱ्या अंतिम सामन्यात भिडताना दिसणार आहेत.

किशोर जेना ऑलिम्पिक स्पर्धेतून बाहेर

भारताचा दुसरा भालाफेकपटू किशोर जेना मंगळवारी पॅरिस ऑलिम्पिक स्पर्धेतील पुरुषांच्या भालाफेक स्पर्धेच्या पात्रता फेरीत ‘अ’ गटातून नवव्या आणि स्पर्धेत एकूण 18व्या स्थानावर राहिला. यामुळे त्याचे स्पर्धेतील आव्हान संपुष्टात आले आहे. किशोर जेना याने त्याच्या पहिल्या प्रयत्नात 80.73 मीटर अंतरापर्यंत भाला फेकला तर दुसऱ्या प्रयत्नात त्याचा फाऊल झाला. त्याने तिसऱ्या आणि शेवटच्या प्रयत्नात 80.21 मीटर अंतरापर्यंत भाला फेकला.

Paris Olympics 2024 (Men’s Javelin Throw) : किशोर जेनाची निराशजनक कामगिरी, अंतिम फेरी गाठण्यात आलं अपयश…

पात्रता निष्कर्ष…

यंदाच्‍या पॅरिस ऑलिम्पिकमध्‍ये एकूण 32 भालाफेकपटू पात्र ठरले होते. त्‍यांची प्रत्‍येकी 16 अशी ‘अ’ आणि ‘ब’ दोन गटात विभागणी करण्‍यात आली होती. अंतिम फेरीत पोहोचण्यासाठी पात्रता स्पर्धेत 32 खेळाडूंमध्ये अव्वल 12 मध्ये स्थान मिळवणे किंवा 84 मीटर भाला फेकणे बंधनकारक होते.

अशाप्रकारे 12 खेळाडूंनी मिळवली पात्रता…

स्पर्धेत 84 मीटरपेक्षा लांब भाला फेकत अ गटातून चार खेळाडू तर ब गटातून नीरज चोप्रा आणि पाकिस्तानच्या नदीमसह पाच खेळाडू असे एकूण 9 खेळाडू अंतिम फेरीसाठी पात्र ठरले. उरलेल्या तीन जागेवर अशा खेळाडूंनी स्थान मिळवले, ज्यांनी उर्वरित खेळाडूमध्ये सर्वोत्तम कामगिरी करताना पहिले तीन स्थान पटकावले होते.

T20 World Cup 2024 : बांगलादेशात राजकीय अस्थिरता..! महिला टी-20 विश्वविश्वकरंडक स्पर्धेबाबत अनिश्चतता; जाणून घ्या, क्रिकेटवर काय होईल परिणाम..

अंतिम फेरी गाठलेले 12 खेळाडू

1. नीरज चोप्रा (भारत) 89.34 मी.
2. एंडरसन पीटर्स (ग्रेनाडा) 88.63 मी.
3. जूलियन वेबर (जर्मनी) 87.76 मी
4. अरशद नदीम(पाकिस्तान) 86.59 मी
5. जूलियस येगो(केनिया) 85.97 मी
6. लुईस मॉरीसियो डिसिल्वा (ब्राजील) 85.91 मी
7. याकूब वालडेच (चेक गणराज्य) 85.63 मी
8. टोनी केरानेन (फिनलंड) 85.27 मी
9. एंड्रियन मारडेयर (मालदोवा) 84.13 मी
10. ऑलिव्हर हेलँडर (फिनलंड) 83.81 मी
11. केशॉर्न वॉलकॉट (त्रिनिदाद आणि टोबॅगो)83.02 मी
12. लस्सी एटेलातलो (फिनलंड) 82.91 मी