Diamond League 2024 (Neeraj Chopra) : भारताचा अनुभवी खेळाडू नीरज चोप्रा आणखी एका सामन्यासाठी सज्ज झाला आहे. तो ब्रुसेल्स डायमंड लीग 2024 अंतिम फेरीमध्ये सहभागी होईल. नीरजचा सामना शनिवारी रात्री सुरू होईल. तांत्रिकदृष्ट्या पाहिले तर सामना मध्यरात्री 12 नंतर सुरू होईल. यामुळे हा दिवस रविवार मानला जाईल. नीरज चोप्राच्या चाहत्यांना हा सामना मोफत पाहता येणार आहे. त्याच्यासोबत अविनाश साबळेही डायमंड लीगच्या अंतिम फेरीत दिसणार आहे. अविनाश स्टीपलचेसमध्ये सहभागी होणार आहे.

भालाफेकमध्ये भारताचा नीरज पुन्हा एकदा आपले कर्तृत्व दाखवू शकतो. त्याचा सामना जगातील अनेक मोठ्या खेळाडूंशी होणार आहे. मात्र यावेळी पाकिस्तानचा अर्शद नदीम दिसणार नाही. नदीम ब्रसेल्स डायमंड लीग फायनलसाठी पात्र ठरू शकला नाही. पण नीरजला ग्रेनेडाच्या अँडरसन पीटर्स आणि जर्मनीच्या ज्युलियन वेबर यांच्याकडून कडवी टक्कर मिळू शकते. चेक प्रजासत्ताकचा जाकोबही नीरजसमोर असेल. नीरजसोबत अविनाश साबळेही 3000 मीटर स्टीपलचेसमध्ये सहभागी होणार आहे.

नीरज चोप्राचा सामना कधी सुरू होईल –

नीरजचा सामना 14 सप्टेंबरला म्हणजेच शनिवारी रात्री 1.52 वाजता सुरू होईल. पण रात्री 12 वाजता तारीख आणि दिवस बदलतो. त्यामुळे रविवार 15 सप्टेंबर रोजी हा सामना होणार आहे. अविनाश साबळे याच्या सामन्याबद्दल सांगायचे तर तो मध्यरात्री 12.39 वाजता मैदानात उतरणार आहेत. त्यांचा सामना शुक्रवारी रात्री 13 सप्टेंबर रोजी होणार आहे. म्हणजेच तांत्रिकदृष्ट्या 14 सप्टेंबर रोजी होईल.

Cristiano Ronaldo : रोनाल्डोने 1 अब्ज आकड्यासह सोशल मीडियावर रचला इतिहास; चाहत्यांच्या जोरावर मिळवले मोठे यश…

नीरज-अविनाश यांचे सामने कोठे विनामूल्य पाहू शकता….

नीरज-अविनाश यांचे सामने तुम्हाला Jio Cinema ॲपवर विनामूल्य पाहता येतील. भारतातील स्पोर्ट्स 18 वाहिनीवर ते प्रसारित केले जाईल. बेल्जियमची राजधानी ब्रुसेल्स येथे ही स्पर्धा होत आहे. नीरजने टोकियो ऑलिम्पिक 2020 मध्ये भारतासाठी सुवर्णपदक तर पॅरिस ऑलिम्पिकमध्ये त्याने रौप्यपदक जिंकले होते. त्याने डायमंड लीगमध्येही सुवर्ण जिंकले आहे.