Nagpur Ganja Seized : नार्कोटिक्स कंट्रोल ब्युरोच्या मुंबई पथकाने रविवारी पहाटे नागपुरात एका ट्रकमधून ५०० किलो गांजा जप्त केला आणि याप्रकरणी तिघांना अटक केली.
पश्चिम बंगालचा रहिवासी आर. पी. गोल्डार आणि ए. सरकार तसेच नागपूरस्थित मुख्य प्राप्तकर्ता एस. ए. एस. युसूफ ऊर्फ राजाभाई यांच्या अटकेमुळे अनेक राज्यांत कार्यरत असलेल्या अंमली पदार्थ तस्करीच्या एका मोठ्या टोळीचा पर्दाफाश झाला आहे, असेही त्यांनी सांगितले. (Nagpur Ganja Seized)

सुरुवातीला गोल्डार आणि सरकारला ताब्यात घेण्यात आले. त्यांच्याकडे केलेल्या तात्काळ चौकशीतून एनसीबीला युसूफपर्यंत पोहोचता आले. युसूफ गेल्या चार वर्षांपासून या तस्करीच्या जाळ्यात सक्रिय असून त्याच्यावर एनडीपीएस कायद्यांतर्गत अनेक गुन्हे दाखल आहेत. (Nagpur Ganja Seized)

ओडिशातून महाराष्ट्र आणि मध्य प्रदेशात अंमली पदार्थांची वाहतूक करणाऱ्या आंतरराज्यीय टोळीबद्दल मिळालेल्या विशिष्ट गुप्त माहितीच्या आधारे, एनसीबीच्या पथकाने रविवारी पहाटे नागपुरात सापळा रचला आणि पश्चिम बंगालची नोंदणी असलेला एक व्यावसायिक ट्रक अडवला. झडती घेतली असता, स्टीलच्या पाईप्सखाली लपवून ठेवलेला ५०० किलो गांजा आढळून आला. (Nagpur Ganja Seized)

हा प्रतिबंधित माल ओडिशामधील संबलपूर येथे भरण्यात आला होता आणि तो नागपूरमधील युसूफला पोहोचवायचा होता. तिथून त्याचे वितरण महाराष्ट्रातील जालना आणि मध्य प्रदेशातील इंदूर भागात करता येईल, अशी माहिती त्यांनी दिली. कायद्याची अंमलबजावणी करणाऱ्या यंत्रणांना चकवा देण्यासाठी आरोपी महामार्गांचा वापर करण्याऐवजी वारंवार आपले मार्ग बदलत असत. (Nagpur Ganja Seized)

पूर्व महाराष्ट्रातील आंतरराज्यीय अंमली पदार्थ तस्करीच्या टोळ्यांविरुद्ध सुरू असलेल्या तीव्र कारवाईचाच हा एक भाग असल्याचे एनसीबीने म्हटले आहे. एनसीबीने यापूर्वी ११ एप्रिल रोजी नागपुरात २०९.८ किलो, २२ मे रोजी गोंदिया जिल्ह्यात ७०२ किलो आणि ३० जून रोजी भंडारा जिल्ह्यात २४५ किलो गांजा जप्त केला होता, असे त्यांनी सांगितले. (Nagpur Ganja Seized)