वायनाडवर निसर्ग कोपला ! मृतांची संख्या २०० हून अधिक; आरोग्य मंत्री काय म्हणाले, पाहा…..

Wayanad landslides – वायनाड जिल्ह्यात तीन दिवसांपूर्वी झालेल्या भूस्खलनात झालेल्या मृत्यू प्रकरणात राज्याच्या आरोग्य विभागाने जी आकडेवारी जाहीर केली आहे. त्यानुसार यात २०१ जणांचा मृत्यू झाला असून २६४ जण जखमी झाले आहेत.

विभागाने जाहीर केलेल्या आकडेवारीनुसार, मृतांमध्ये ८२ महिला आहेत. याव्यतिरिक्त, १३० शरीराचे अवयव देखील बाहेर काढण्यात आले आहेत. याशिवाय, या आपत्तीत २६४ जण जखमी झाले असून त्यापैकी १७६ जणांना डिस्चार्ज देण्यात आला आहे.

दोघांना इतर रुग्णालयात पाठवण्यात आले आहे आणि ८६ जणांवर जिल्ह्यातील विविध रुग्णालयात उपचार सुरू आहेत. केरळच्या आरोग्य मंत्री वीणा जॉर्ज यांनी फेसबुक पोस्टमध्ये म्हटले आहे की,

भूस्खलनात गंभीर जखमी झालेल्यांच्या उपचारासाठी वायनाडमधील सरकारी रुग्णालयांमध्ये आयसीयू तयार करण्यात आले आहेत. जिल्हा प्रशासनाने असेही सांगितले होते की वायनाडमधील ९१ मदत शिबिरांमध्ये ९३२८ लोकांना हलवण्यात आले आहे.