Nasrapur Case : पुण्याच्या भोर तालुक्यातील नसरापूर येथील चिमुरडीवरील अत्याचार आणि हत्येच्या निषेधार्थ संतप्त नातेवाईक व नागरिकांनी नवले पुलावर ठिय्या आंदोलन सुरू केले होते. आरोपीला कठोर शिक्षा देण्याची मागणी करत आंदोलकांनी मृतदेह रस्त्यावर ठेवत मुंबई -बंगळूरू महामार्ग अडवण्यात आला होता. या आंदोलनामुळे सायंकाळी पाचच्या सुमारास सुरू झालेली वाहतूक पूर्णपणे ठप्प झाली आणि महामार्गावरील वाहतूक तब्बल चार तास ठप्प होती. अखेर रात्री उशीरा पोलिसांनी सर्व प्रयत्न फोल ठरल्यानंतर लाठीमार करत आंदोलकांना नवले पुलावरुन पांगवले आणि हा रस्ता मोकळा केला. मात्र, पुण्याचे पोलीस आयुक्त अमितेश कुमार यांनी अशाप्रकारचा कोणताही लाठीचार्ज झालाच नसल्याचे म्हटले आहे. आम्ही मृत मुलीच्या आई-वडिलांना समजावून येथून बाहेर काढल्याचा दावा अमितेश कुमार यांनी केला. मात्र पोलिसांनी बळाचा वापर करुन आंदोलन संपवल्यानंतर आंदोलकांनी प्रशासनावर टीका केली. Nasrapur Case राज्य सरकार आणि पोलीस या प्रकरणात फास्ट ट्रॅकवर कारवाई करतील. आरोपपत्र लवकरात लवकर दाखल केले जाईल. आरोपीला तातडीने अटक करण्यात आली असून त्याच्यावर पोक्सोसह गंभीर कलमांखाली गुन्हा दाखल करण्यात आला आहे. मुलीचे कुटुंबीय म्हणतील, तो वकील दिला जाईल. आरोपीला लवकरात लवकर शिक्षा होईल, असे आश्वासन आम्ही पिडीत मुलीच्या कुटुंबीयांना दिल्याचे अमितेश कुमार यांनी म्हटले. चिमुकलीवर रात्री उशिरा अंत्यसंस्कार यानंतर नसरापूर प्रकरणातील चिमुकलीवर शनिवारी रात्री उशिरा अखेर अंत्यसंस्कार करण्यात आले. पोलिसांचा मोठा बंदोबस्त तैनात करण्यात आला होता. चिमुकलीला न्याय द्या, नराधमाला फाशीची शिक्षा द्या अशी मागणी यावेळी करण्यात आले. दरम्यान, भोर तालुक्यातील नसरापूरमध्ये 1 मे ला एका 4 वर्षांच्या चिमुकलीवर 65 वर्षीय नराधमाने अत्याचार करून तिची हत्या केली. याप्रकरणी पुणे शिवाजीनगर कोर्टाने आरोपी भीमराव कांबळेला 7 मे पर्यंत पोलिस कोठडी सुनावली आहे. Nasrapur Case हेही वाचा: Inspiring Story : कचरावेचकांच्या पोरांनी मारली गगनभरारी! वस्त्यांमधील मुलांचे बारावीत नेत्रदीपक यश..वाचा सविस्तर
