Narendra Modi on Rahul Gandhi। संसदेच्या पावसाळी अधिवेशनात सत्ताधारी पक्ष आणि विरोधी पक्षांमधील दुरावा केवळ सभागृहातच नाही तर बाहेरही दिसून येतो. लोकसभेचे कामकाज अनिश्चित काळासाठी तहकूब करण्यात आले आहे आणि त्यानंतर पंतप्रधान नरेंद्र मोदी यांनी सदस्यांसाठी चहापानाचे आयोजन केले होते. विरोधी पक्षांनी पंतप्रधान मोदींच्या चहापानावर बहिष्कार टाकला. पंतप्रधानांच्या चहापानावर उपस्थित राहण्यासाठी कोणताही विरोधी पक्ष नेता पोहोचला नाही. सत्ताधारी राष्ट्रीय लोकशाही आघाडी (एनडीए) मधील घटक पक्षांचे नेते पंतप्रधानांच्या चहापानावर उपस्थित होते. चहापानावर संसदेचे पावसाळी अधिवेशन चांगले असल्याचे पंतप्रधान मोदी यांनी सांगितले आणि या काळात अनेक महत्त्वाची विधेयके मंजूर झाल्याचे सांगितले. त्यांनी सत्ताधारी पक्षाचे कौतुक करताना,”ऑनलाइन गेम्स विधेयक मंजूर झाल्याने दूरगामी परिणाम होतील. विशेषतः, त्याचा जनतेवर परिणाम होईल. ” असे म्हटले. चहापानावर उपस्थित असलेल्या खासदारांना पंतप्रधान मोदींनी सांगितले की “हा असा मुद्दा आहे ज्यावर अधिक चर्चा व्हायला हवी. “त्यांनी असेही म्हटले की “विरोधक मोठ्या विधेयकांवरील चर्चेत सहभागी होऊ शकले असते, परंतु ते फक्त अडथळा आणण्यातच गुंतले आहेत.” Narendra Modi on Rahul Gandhi। पंतप्रधान मोदी म्हणाले की, “विरोधी पक्षात, विशेषतः काँग्रेसमध्ये, अनेक तरुण नेते खूप प्रतिभावान आहेत. पण कुटुंबाच्या (गांधी कुटुंबाच्या) असुरक्षिततेमुळे, या तरुण नेत्यांना बोलण्याची संधी मिळत नाही.” अशी टीका त्यांनी केली. पंतप्रधान मोदी पुढे म्हणाले की, “हे तरुण नेते राहुल गांधींना असुरक्षित आणि चिंताग्रस्त करण्याची शक्यता” त्यांनी यावेळी व्यक्त केली. लोकसभेत पावसाळी अधिवेशनादरम्यान, व्यवसाय सल्लागार समितीमध्ये चर्चेसाठी १२० तास निश्चित करण्यात आले होते, परंतु सभागृहात फक्त ३७ तास चर्चा होऊ शकली. लोकसभेत चर्चेसाठी निश्चित केलेले ८३ तास गतिरोधामुळे वाया गेले. या काळात लोकसभेत एकूण १४ विधेयके सादर करण्यात आली. यापैकी जनविश्वास विधेयक निवड समितीकडे पाठवण्यात आले. त्याच वेळी, पंतप्रधान-मुख्यमंत्री हटवण्याचे विधेयक संयुक्त संसदीय समितीकडे पाठवण्यात आले आहे. उर्वरित १२ विधेयके लोकसभेने मंजूर केली. गतिरोधामुळे बहुतेक विधेयकांवर चर्चा होऊ शकली नाही आणि चर्चेशिवाय मंजूर करण्यात आली. Narendra Modi on Rahul Gandhi।
