Narendra Modi : पंतप्रधान नरेंद्र मोदी (Narendra Modi) यांनी गुरुवारी पश्चिम आशिया (मध्य-पूर्व) आणि युक्रेनमधील सुरू असलेल्या युद्धांबाबत भारताची स्पष्ट भूमिका मांडली. लष्करी संघर्षातून कोणत्याही समस्या सुटणार नाहीत, असे ठाम प्रतिपादन करत त्यांनी शांततापूर्ण तोडगा काढण्याचे आवाहन केले. ऑस्ट्रियाचे फेडरल चान्सलर ख्रिश्चन स्टॉकर यांच्याशी नवी दिल्लीत झालेल्या द्विपक्षीय चर्चेनंतर पंतप्रधान (Narendra Modi) बोलत होते. मोदी म्हणाले की, “आज संपूर्ण जग एका अत्यंत गंभीर आणि तणावपूर्ण परिस्थितीतून जात असून, या जागतिक अस्थिरतेचे चटके आपल्या सर्वांनाच जाणवत आहेत. युक्रेन आणि पश्चिम आशियामध्ये स्थिर, शाश्वत आणि चिरस्थायी शांतता प्रस्थापित व्हावी, याचे भारत पूर्ण समर्थन करतो.” Narendra Modi भारत आणि ऑस्ट्रियामध्ये लष्करी संघर्षाच्या विरोधात एकमत असल्याचेही (Narendra Modi) त्यांनी यावेळी नमूद केले. चान्सलर स्टॉकर यांच्या या पहिल्या अधिकृत भारत भेटीमुळे दोन्ही देशांमधील व्यापार आणि गुंतवणुकीला नवी ऊर्जा मिळेल, असा विश्वासही पंतप्रधानांनी व्यक्त केला. तसेच, भारत-युरोपियन युनियन मुक्त व्यापार करारामुळे द्विपक्षीय संबंधांमध्ये एका नव्या सुवर्ण अध्यायाची सुरुवात झाल्याचे त्यांनी अधोरेखित केले. स्टॉकर हे चार दिवसांच्या दौऱ्यासाठी मंगळवारी भारतात दाखल झाले आहेत.