Sudesh Berry : “नरेंद्र मोदी सामान्य माणूस नव्हे, विष्णूचा अवतार, संधी मिळाल्यास पाय धुऊन ते पाणी पिण्याची इच्छा”; बॅार्डरफेम अभिनेत्याचे विधान
Sudesh Berry : मोदींनी देशात ‘रामराज्य’ आणल्याचा दावा त्यांनी केला. त्यांच्या या वक्तव्यांमुळे सोशल मीडियावरून त्यांना चांगलाचं ट्रोल केलं जात आहे.
Sudesh Berry : अभिनेत्री आणि भाजप खासदार कंगणा राणौतने सीजेपीवर टीकेची तोफ डागली. नुकतेच कंगणा तिच्या एका वक्तव्यामुळे वादात सापडली असतानाच आता एका बॅालिवूड अभिनेत्याने सीजेपी आंदोलनावर मत व्यक्त करत जोरदार टीका केली आहे.
बॅार्डर फेम अभिनेते सुदेश बेरी यांची पॅाडकॅास्टमधील मुलाखत व्हायरल होत असून, त्यांनी या मुलाखतीमध्ये पंतप्रधान नरेंद्र मोदी यांना विष्णेचा अवतार संबोधले आहे. मोदींवर टीका करणाऱ्यांवर बेदी यांनी खोचक शब्दांत प्रत्युत्तर दिलं आहे. मोदींनी देशात ‘रामराज्य’ आणल्याचा दावा त्यांनी केला. त्यांच्या या वक्तव्यांमुळे सोशल मीडियावरून त्यांना चांगलाचं ट्रोल केलं जात आहे. (Sudesh Berry)
सीजेपीवर घणाघात (Sudesh Berry)
‘बॉर्डर’ आणि ‘सुराग’ यांसारख्या सिनेमांमधून प्रसिद्धी मिळवलेल्या सुदेश बेरी यांनी ‘अक्कंपनी अक्की’ या पॉडकास्टमध्ये सहभाग घेतला. या पॅाडकास्टमध्ये त्यांनी राजकीय विषयांवर स्पष्टपणे मत व्यक्त केलं. अशा पक्षांकडे ना प्रतिष्ठा आहे ना ठोस दिशा… देशहिताच्या नावाखाली काही जण केवळ राजकीय नाटके करत असल्याचा घणाघात सुदेश बेदी यांनी सीजेपीवर केला. (Sudesh Berry)
पक्षात येण्याचे आमंत्रण नाकारल्याचा दावा (Sudesh Berry)
या पॅाडकास्टमध्ये बोलताना सुदेश बेदी यांनी एक मोठा दावा केला. CJP च्या अध्यक्षांनी फोन करून चळवळीत सामील होण्यास सांगितले होते, परंतु तो फोन कट केला. याविषयी सांगताना बेदी म्हणाले “त्यांचे अध्यक्ष मला फोन करतात आणि म्हणतात, ‘सर, कृपया आमच्या चळवळीत सामील व्हा.’ मी त्यांना ब्लॉक केले.”
सीजेपीच्या आंदोलनाची उडवली खिल्ली
जंतर मंतरवरील आंदोलनावर भाष्य करताना बेदी यांनी सीजेपी आंदोलनाची खिल्ली उडवली. “जंतर-मंतरवर ते कसला पक्ष चालवत आहेत? त्याला काही अर्थ नाही. ते सगळे भिकारी आहेत. मेलेले लोक आहेत. मला माहित नाही AGP असो, PGP असो, CG असो… काहीही नाव असो; मी त्यांचा उल्लेखही करत नाही. मी त्यांना ओळखतही नाही.” असं ते म्हणाले.
Actor Sudesh Berry brutally roasted CJP and praised Modi.
He said that CJP are all loafers, troublemakers, uneducated, and mad. He added that all they do is abuse Modi to get more likes and increase their income. pic.twitter.com/Jci15rb3rQ
— Spider (@SpiderAlert24) July 29, 2026
‘मोदींवर टीका करणारे प्रसिद्धीसाठी बोलतात’
“सोशल मीडियावर मोदींवर टीका करणारे अनेक जण केवळ प्रसिद्धी मिळवण्यासाठी आणि आपल्या पोस्टवरील प्रतिसाद वाढवण्यासाठी टीका करतात. मोदींची जागतिक स्तरावर ओळख आणि प्रतिमा निर्माण झाली असून त्यांच्यावर विनाकारण टीका करणे योग्य नाही.”
‘मोदी म्हणजे विष्णूचा अवतार’
सुदेश बेरी यांनी पंतप्रधान मोदींबद्दलचा आपला आदर व्यक्त करताना त्यांची थेट भगवान विष्णूशी तुलना करत मोदी विष्णूचा अवतार मानत असल्याचे सांगितलं. पुढे बोलताना त्यांनी संधी मिळाल्यास मोदींचे पाय धुऊन ते पाणी पिण्याची इच्छा व्यक्त केली. तसेच ज्या श्रद्धेने लोक देवाची पूजा करतात, त्याच श्रद्धेने आपण मोदींकडे पाहत असल्याचेही ते म्हणाले.
शिक्षण आणि भ्रष्टाचारावरही भाष्य
पॉडकास्टदरम्यान सुदेश बेरी यांनी शिक्षण व्यवस्था आणि सरकारी अधिकाऱ्यांबाबतही मत व्यक्त केले. उच्च शिक्षण घेऊनही जर एखादी व्यक्ती भ्रष्टाचारात गुंतत असेल, तर त्या शिक्षणाचा काही उपयोग नाही. प्रामाणिकपणा, सत्य आणि सदाचार यांना पदवीपेक्षा अधिक महत्त्व आहे.
