Narendra Modi : भारताचे ब्रिक्स अध्यक्षपद यशस्वी करण्यासाठी दिलेल्या सक्रिय योगदानाबद्दल आणि पाठिंब्याबद्दल मी (Narendra Modi) तुम्हा सर्वांचे मनःपूर्वक आभार मानतो. या वर्षीची ब्रिक्स शिखर परिषद एक ऐतिहासिक टप्पा आहे.

आपण तिचा 20वा वर्धापनदिन साजरा करत आहोत. विशीचे वय हे व्यक्तीच्या आयुष्यात परिपक्वता आणि जबाबदारीच्या एका नवीन पर्वाची सुरुवात दर्शवते. ब्रिक्स कोणाच्याही विरोधात नाही, असे विधान पंतप्रधान नरेंद्र मोदी यांनी केले.

देशाची राजधानी दिल्लीमध्ये ब्रिक्सची परिषदचे आज उद्‌घाटन पार पडले. पंतप्रधान नरेंद्र मोदी (Narendra Modi) यांनी चीनचे राष्ट्राध्यक्ष शी जिनपिंग आणि रशियाचे राष्ट्राध्यक्ष व्लादिमीर पुतिन यांच्यासह विविध देशांच्या नेत्यांचे हार्दिक स्वागत केले. त्यानंतर पंतप्रधान नरेंद्र मोदी यांनी भाषण केले. ब्रिक्स देशांमध्ये संयुक्त निवेदन जारी करण्यावरही एकमत झाले आहे.

नरेंद्र मोदी म्‍हणाले, आपल्याला पुढील 20 वर्षांसाठी एका नवीन आणि व्यापक अजेंड्यावर काम करण्याची गरज आहे. ही प्रक्रिया आपण आपल्या अंतर्गत कार्यप्रणालीमधूनच सुरू केली पाहिजे. जरी ब्रिक्सचे अध्यक्षपद दरवर्षी बदलत असले, तरी त्यामुळे आपल्या संस्थात्मक गतीमध्ये व्यत्यय येता कामा नये. मी ब्रिक्स सातत्य आणि अंमलबजावणी यंत्रणा स्थापन करण्याचा प्रस्ताव मांडतो.

यामुळे त्रिकुट व्यवस्थेद्वारे सर्व उपक्रम आणि परिणामांचा पाठपुरावा करणे शक्य होईल. प्रत्येक निर्णयाचे नोडल पॉइंट्स, कालमर्यादा आणि अंमलबजावणीची स्थिती नोंदवण्यासाठी आपण एक सुरक्षित डिजिटल भांडारदेखील तयार करू शकतो. पंतप्रधान नरेंद्र मोदींनी ब्रिक्स शिखर परिषदेत खलाशांच्या सुरक्षेचा मुद्दाही उपस्थित केला.

ते म्हणाले की, खलाशी जागतिक व्यापारात महत्त्वपूर्ण योगदान देतात, तरीही कठीण काळात त्यांना अनेकदा मदतीचा अभाव जाणवतो. आपण खलाशांसाठी एक आपत्कालीन मदत जाळे स्थापन करावे, असे मी सुचवतो, असे ते म्हणाले. हे जाळे संबंधित देशांच्या सागरी प्राधिकरणांना आणि राजनैतिक दूतावासांना जोडेल, आणि संकटाच्या सूचना, वैद्यकीय मदत, कुटुंबाची माहिती व स्थलांतरणाची सोय पुरवेल, असेही ते यावेळी म्हणाले.

दरम्‍यान, ब्रिक्स शिखर परिषदेत पंतप्रधान मोदींनी (Narendra Modi) खलाशांची सुरक्षा सुनिश्चित करण्यासाठी सदस्य देशांमध्ये एक जाळे तयार करण्याचा प्रस्ताव मांडला. त्यांनी चीनला असाही संदेश दिला की, संयुक्त राष्ट्र सुरक्षा परिषदेतील सुधारणा आता पुढे ढकलता येणार नाही. पंतप्रधान मोदी बोलत असताना चीनचे राष्ट्राध्यक्ष शी जिनपिंग जवळच बसले होते.